پارلامەنت • 28 قاڭتار، 2021

دەپۋتات د.نۇرجىگىت ادىلەت جانە ەكونوميكا مينيسترلىكتەرىنە ساۋال جولدادى

670 رەت كورسەتىلدى

بۇگىن قر پارلامەنتى سەناتىنىڭ  وتىرىسىندا دەپۋتات دانا نۇرجىگىت ەكونوميكا جانە ادىلەت مينيسترلىكتەرىنە دەپۋتاتتىق ساۋال جولدادى، دەپ حابارلايدى Egemen.kz.سەناتوردىڭ ساۋالى 2017 جىلعى 11 ساۋىردەگى ەۋرازيالىق ەكونوميكالىق وداقتىڭ كەدەن كودەكسى تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى جوباعا بايلانىستى بولدى. 

 

دەپۋتاتتىڭ ايتۋىنشا، ۇسىنىلىپ وتىرعان حاتتاما ارمەنيا رەسپۋبليكاسىنداعى كونستيتۋتسيالىق وزگەرىستەرگە بايلانىستى كەدەندىك تەكسەرىستەن بوساتىلاتىن لاۋازىمدى قىزمەت يەلەرىنىڭ ءتىزىمىن كەڭەيتۋ، ياعني  ەۋرازيالىق ەكونوميكالىق وداقتىڭ كەدەندىك كودەكسىنىڭ 321 ءشى بابىنا وزەرىستەر ەنگىزىپ وتىر.

- الايدا زاڭ جوباسىمەن بىرگە ۇسىنىلىپ وتىرعان قوسىمشا قۇجاتتاردا،  ۇلتتىق زاڭنامانى راتيفيكاتسيادان وتكەلى وتىرعان حاتتاماعا سەيكەستەندىرۋگە قاتىستى تولىق اقپاراتتار مەن ناقتى ۇسىنىستار جوق، دەدى ول. 

دانا نۇرجىگىت حاتتامادا كورسەتىلگەن لاۋازىمدى قىزمەت يەلەرى «قازاقستان رەسپۋبليكاسىنداعى كەدەن ءىسى تۋرالى» زاڭىنىڭ 406-شى بابىنىڭ 2 تارماعىنىڭ 5) تارماقشاسىندا قاراستىرىلعان تىزىمگە كىرمەي وتىرعانىن ايتادى.

- وسىعان وراي جوبا ازىرلەۋشىلەرىنەن قارالىپ وتىرعان زاڭجوباسى بويىنشا قوسىمشا اقپاراتتاردى سۇراتۋعا ءماجبۇرمىز، دەدى ول.

وسىعان بايلانىستى سەناتور «ۇلتتىق ەكونوميكا مينيسترلىگى - وسى ءتارىزدى زاڭ جوبالارىن ازىرلەۋ بارىسىندا حالىقارالىق مىندەتتەردى قابىلداۋدىڭ ۇلتتىق زاڭناماعا قاتىستى قاتەرى مەن اسەرى  بولجانا ما؟»، دەگەن ساۋال جولدادى.

دەپۋتاتتىڭ ەكىنشى سۇراعى ادىلەت مينيسترلىگىنە باعىتتالدى.

- حالىقارالىق شارتتاردى راتيفيكاتسيالاۋ بويىنشا زاڭ جوبالارىن  مازمۇندى جانە ساپالى ازىرلەۋدى كۇشەيتۋگە باعىتتالعان شارالار قابىلداۋ جوسپارلارىڭىزدا بار ما؟ ويتكەنى كونستيتۋتسياعا سايكەس ء دال وسىنداي حالىقارالىق شارتتار ۇلتتىق زاڭدارىمىزدان باسىمدىعى بار، دەدى د.نۇرجىگىت.

سوڭعى جاڭالىقتار

ۇقساس جاڭالىقتار