تاعايىنداۋ • 28 قاڭتار، 2021

ەكولوگيا ءمينيسترى ۇجىمعا جاڭا ۆيتسە-ءمينيستردى تانىستىردى

20 رەت كورسەتىلدى

ەكولوگيا ءمينيسترى م.مىرزاعاليەۆ ۇجىمعا سۋ رەسۋرستارى ماسەلەلەرىنە جەتەكشىلىك ەتەتىن سەرىك سالاۋات ۇلى قوجانيازوۆتى تانىستىردى، دەپ حابارلايدى Egemen.kz.

سەرىك قوجانيازوۆ 1965 جىلى قىزىلوردا قالاسىندا دۇنيەگە كەلگەن. 1989 جىلى كۋزباس پوليتەحنيكالىق ينستيتۋتىن، 2002 جىلى ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن.

ەڭبەك جولىن 1989 جىلى جوندەۋ-مەحانيكالىق زاۋىتىندا ينجەنەر-تەحنولوگ بولىپ باستادى. ءار جىلدارى جەكە سەكتوردا جۇمىس ىستەگەن. 1999-2000 جىلدارى – ينۆەستيتسيا تارتۋ جانە قور نارىعىن دامىتۋ ورتالىعىنىڭ ديرەكتورى.

2001-2005 جىلدارى – قىزىلوردا وبلىسى اكىمى اپپاراتىنىڭ يندۋستريالىق-يننوۆاتسيالىق دامۋ ءبولىمىنىڭ مەڭگەرۋشىسى. 2005-2007 جىلدارى – قىزىلوردا وبلىسىنىڭ كاسىپكەرلىك جانە ونەركاسىپ دەپارتامەنتىنىڭ ديرەكتورى. 2007-2008 جىلدارى – قىزىلوردا قالاسىنىڭ اكىمى.

2008-2014 جىلدارى قر پرەمەر-ءمينيسترىنىڭ كەڭسەسىندە ءتۇرلى لاۋازىمداردا قىزمەت اتقارعان.

2014-2019 جىلدارى – قىزىلوردا وبلىسى اكىمىنىڭ ورىنباسارى، قر پرەزيدەنتىنىڭ «بايقوڭىر» كەشەنىندەگى ارنايى وكىلى.

2019 جىلدان باستاپ قازىرگى ۋاقىتقا دەيىن قر پرەزيدەنتى اكىمشىلىگىنىڭ مەملەكەتتىك ينسپەكتورى بولىپ جۇمىس ىستەدى.

سەرىك قوجانيازوۆ «ەرەن ەڭبەگى ءۇشىن» مەدالىمەن، «قۇرمەت» وردەنىمەن جانە 2 مەرەيتوي مەدالىمەن ماراپاتتالعان.

سوڭعى جاڭالىقتار

ۇقساس جاڭالىقتار