ايماقتار • 28 قاڭتار، 2021

باقىتجان ساعىنتاەۆ تۇركسىب اۋدانىنداعى قۇرىلىس جۇمىستارىن تەكسەردى

6 رەت كورسەتىلدى

الماتى قالاسىنىڭ اكىمى باقىتجان ساعىنتاەۆ تۇركسىب اۋدانىنداعى قۇرىلىس جۇمىستارىمەن تانىستى. بۇل تۋرالى ول ءوزىنىڭ Instagram پاراقشاسىندا جازدى، دەپ حابارلايدى Egemen.kz.

«جۇمىس ساپارى كەزىندە تۇركسىبتەگى قايرات ىقشاماۋدانىندا 1500 ورىنعا ارنالعان مەكتەپ قۇرىلىسىنىڭ بارىسىمەن جانە بوستاندىق اۋدانىنداعى 425 ورىندى №199 مەكتەپتىڭ جاڭا كورپۋسىن كورىپ قايتتىم. بيىل جىل سوڭىنا دەيىن قالا بيۋدجەتى ەسەبىنەن الاتاۋ اۋدانىنداعى قالقامان-2، ناۋرىزباي، نۇركەنت، مادەنيەت، سايالى، توميريس، دارحان ىقشاماۋداندارىندا 8 مەكتەپتى جانە جوعارىدا اتالعان قايراتتاعى ءبىلىم مەكەمەسىن تاپسىرۋدى جوسپارلاپ وتىرمىز»، دەپ جازدى ب. ساعىنتاەۆ.

سونداي-اق قىركۇيەكتە بوستاندىق، اۋەزوۆ، المالى، جەتىسۋ اۋداندارىنداعى 17 مەكتەپكە جاپسارلاي جاڭا كورپۋس سالىنادى. جالپى جىل قورىتىندىسى بويىنشا 20 700 وقۋشىعا ورىن پايدا بولادى.

«تۇركسىب اۋدانىنداعى جاس قانات ىقشاماۋدانىندا 150 ورىنعا ارنالىپ سالىنىپ جاتقان دەنە شىنىقتىرۋ-ساۋىقتىرۋ كەشەنىنىڭ قۇرىلىس الاڭىنا باردىم. بيىل مەدەۋ، جەتىسۋ، الاتاۋ اۋداندارىندا تاعى 5 كەشەن سالىنۋدا. بارلىق قۇرىلىس-مونتاج جۇمىستارىن جىل سوڭىنا دەيىن اياقتاۋدى تاپسىردىم. جاڭا الماتىنىڭ شەتكى ىقشاماۋداندارىنداعى بالالاردىڭ سپورتپەن شۇعىلدانۋىنا قولايلى جاعداي جاساۋ كەرەك»، دەلىنگەن جازبادا.

 

سوڭعى جاڭالىقتار

كەشىرىم ايى كەلدى

رۋحانيات • بۇگىن، 07:50

بيزنەستە ايەلدەردىڭ ۇلەسى قانداي؟

ەكونوميكا • بۇگىن، 07:38

ءۇشىنشى بەسجىلدىق: مەجە مەن مىندەت

ەكونوميكا • بۇگىن، 07:35

بايراعى بيىك باعزى ونەر

رۋحانيات • بۇگىن، 07:33

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار