قاۋىپتى ۆيرۋس, اسىرەسە, Android وپەراتسيالىق جۇيەسىندە جۇمىس ىستەيتىن سمارتفون يەلەرىنە قاۋىپ توندىرەدى. تەلەفون قولدانۋشىسىنا مەسسەندجەر ارقىلى سمارتفون ۇتىپ الۋ تۋرالى ۇسىنىسپەن سىلتەمە كەلەدى. سىلتەمەنى باسقاننان كەيىن WhatsApp قولدانۋشىسى Google Play قوسىمشالار دۇكەنىنە ۇقساس ديزاينداعى سايتقا وتەدى. وندا وعان باعدارلاما ورناتۋ ۇسىنىلادى.
باعدالاما جۇكتەلگەننەن كەيىن ول سىزگە حابارلاما الۋعا رۇقسات سۇرايدى. جىلدام جاۋاپ بەرۋ فۋنكتسياسىن قولدانا وتىرىپ, ۆيرۋس سىلتەمەنى باسقا پايدالانۋشىلارعا جىبەرەدى. مۇنداي حابارلامالار ساعاتىنا ءبىر رەت كەلۋى مۇمكىن. ل. ستەفانكونىڭ ايتۋىنشا, بۇل زيان باعدارلامانى جاسىرۋ ءۇشىن جاسالادى.
سونداي-اق باعدارلاما فوندا جانە باسقا قوسىمشالارمەن قاتار جۇمىس ىستەۋگە رۇقسات سۇرايدى. مۇنداي ادىستەردى الاياقتار سمارتفون ەكرانىندا جارنامالاردى كورسەتىپ, اقشا تابۋ ءۇشىن ءجيى قولداناتىن كورىنەدى.
