جاڭا ەرەجە بويىنشا الداعى ۋاقىتتا ۇيىمداستىرىلاتىن سۋپەركۋبوك باسەكەسىنە 2020 جىلعى قازاقستان چەمپيوناتىندا العاشقى ءتورت ورىندى يەلەنگەن كوماندالار قاتىسپاق. اتاپ ايتار بولساق, ولار: بىرىنشىلىك چەمپيونى – «قايرات», كۇمىس جۇلدەگەر – «توبىل», قولا مەدال يەگەرى – «استانا» جانە ءتورتىنشى ورىنعا تابان تىرەگەن «شاحتەر».
Kazfootball.kz اقپاراتتىق پورتالىنىڭ تاراتقان مالىمەتىنە سايكەس, ءتۋرنيردىڭ جالپى جۇلدە قورى 40 ميلليون تەڭگەنى قۇرايدى (شامامەن 94,7 مىڭ دوللار). ال ءتورت كوماندا ىشىندە دارالانىپ جەڭىمپاز اتانعان كلۋبقا قازاقستان سۋپەركۋبوگى مەن 25 ميلليون تەڭگە (شامامەن 59,2 مىڭ دوللار) تاپسىرىلادى. كۇمىس جۇلدەگەر اتانعان ۇجىمعا – 10 ميلليون تەڭگە (23,7 مىڭ دوللار), قولا مەدال يەگەرىنە 5 ميلليون تەڭگە (11,8 مىڭ دوللار) بەرىلەدى.
