وتكەن ماۋسىمدا ونەر كورسەتكەن ويىنشىلاردىڭ دەنى كوماندادان كەتتى. لەگيونەرلەرگە قاتىستى ماسەلە جاقىن كۇندەرى شەشىمىن تابادى.
- تۇركيادا جاڭا ويىنشىلاردى سىناقتان وتكىزەمىز. نەگىزگى باسىمدىقتى جەرگىلىكتى فۋتبولشىلارعا بەرەمىز. نەگىزگى ماقسات الداعى بەس جىلدىقتا تانىمال ويىنشىلار شىعارۋ, - دەيءدى «قايسار» فك ديرەكتورى سەرىك دوسمانبەتوۆ.
كوماندانىڭ باس باپكەرى سۇلتان ابىلداەۆ بىرنەشە شەتەلدىك فۋتبولشىمەن كەلىسسوز جۇرگىزىلىپ جاتقانىن دا ايتىپ ءوتتى. «قايسار» انتاليادا 5 جولداستىق كەزدەسۋ وتكىزەدى. ال ەل ءبىرىنشىلىگى 12-ءشى ناۋرىزدا باستالادى.
ءۇشىنشى وقۋ-جاتتىعۋ جيىنىنا قاقپاشىلار مارسەل يسلامقۇلوۆ, نۇرىمجان سالايدىن, قورعاۋشىلار ەلجاس سارباي, ولجاس التاەۆ, يۆان گراف, ءىلياس ءامىرسەيتوۆ, ابىلايحان تولەگەنوۆ, جارتىلاي قورعاۋشىلار: دانيار ءالىمجان, بەكزات قۇرمانبەك ۇلى, ايان قۇلماعانبەتوۆ دۋمان نارزىلداەۆ, شابۋىلشىلار شوقان ابزالوۆ پەن وركەن ماحان شاقىرتۋ الىپ وتىر. شابۋىلشى ەلجاس التىنبەكوۆ جاراقاتىنا بايلانىستى وقۋ-جاتتىعۋ جيىنىنا كەيىنىرەك قوسىلاتىن بولادى.
