پارلامەنت • 27 قاڭتار، 2021

ءماجىلىس راتيفيكاتسيالىق زاڭ جوبالارىن ماقۇلدادى

5 رەت كورسەتىلدى

ءماجىلىس سپيكەرى نۇرلان نىعماتۋليننىڭ توراعالىعىمەن وتكەن جالپى وتىرىستا دەپۋتاتتار بىرقاتار راتيفيكاتسيالىق زاڭ جوبالارىن ماقۇلدادى، دەپ حابارلايدى Egemen.kz.

وتىرىستا دەپۋتاتتار ەاەو شەڭبەرىندە اۋىل شارۋاشىلىعى جانۋارلارىمەن سەلەكتسيالىق-اسىل تۇقىمدىق جۇمىس جۇرگىزۋدى بىرىزدەندىرۋگە باعىتتالعان شارالار تۋرالى كەلىسىمدى راتيفيكاتسيالاۋ تۋرالى زاڭ جوباسىن ماقۇلدادى. كەلىسىم ەۋرازيالىق ەكونوميكالىق وداق شەڭبەرىندە اۋىل شارۋاشىلىعى جانۋارلارىمەن سەلەكتسيالىق-اسىل تۇقىمدىق جۇمىس جۇرگىزۋ ماسەلەلەرى بويىنشا كەلىسىلگەن (ۇيلەستىرىلگەن) اگروونەركاسىپتىك ساياساتتى ىسكە اسىرۋعا باعىتتالعان.

ونىڭ ىشىندە، اۋىل شارۋاشىلىعى جانۋارلارىنىڭ جاسالعان تيپتەرىن، جەلىلەرىن (تۇقىمدارىن) جانە كروستارىن اپروباتسيادان وتكىزۋ كوزدەلگەن. سونىمەن قاتار، اسىل تۇقىمدى ونىمگە مولەكۋليارلىق گەنەتيكالىق ساراپتاما جۇرگىزۋدى، اسىل تۇقىمدى جانۋارلاردىڭ تۇقىمىن ايقىنداۋدى جانە ولاردىڭ اسىل تۇقىمدىق قۇندىلىعىن باعالاۋدى بىرىزدەندىرۋ ارقىلى ىسكە اسىرۋ قاراستىرىلعان. بۇل شارالار ەاەو شەڭبەرىندە اسىل تۇقىمدى مال شارۋاشىلىعىنىڭ ورتاق نارىعىن دامىتۋعا جانە ءوزارا ساۋداداعى كەدەرگىلەردى جويۋعا الىپ كەلەدى دەپ كۇتىلەدى. بۇل ءوز كەزەگىندە وتاندىق اسىل تۇقىمدى ءونىمنىڭ باسەكەگە قابىلەتتىلىگىن ارتتىرادى. سونىمەن قاتار، دەپۋتاتتار جالپى وتىرىستا گەنەتيكالىق ساراپتاما جۇرگىزۋ ءۇشىن رەسپۋبليكادا ءتيىستى ماتەريالدىق-تەحنيكالىق بازا، سونداي-اق، ەلىمىز اسىل تۇقىمدى مالداردى ەاەو-تىڭ قانداي ەلدەرىمەن، قانداي كولەمدە ايىرباستاپ كەلگەنى تۋرالى ماسەلەلەردى قوزعادى.

نۇرلان نىعماتۋلين وسى زاڭ جوباسىن تالقىلاۋ كەزىندە دەپۋتاتتار تاراپىنان رەسەي فەدەراتسياسىنان اسىل تۇقىمدى مالداردى اكەلۋ ءۇشىن بىرقاتار كەدەرگىلەر ورىن الاتىنى تۋرالى پىكىرلەر ايتىلعانىن، ال وسى راتيفيكاتسيانى قابىلداپ، وعان مەملەكەت باسشىسى قول قويعاننان كەيىن ول تمد ەلدەرىنەن اسىل تۇقىمدى مالداردى  كەدەرگىسىز الىپ كەلۋگە جول اشاتىن اتاپ ءوتتى.

پالاتا توراعاسىنىڭ ايتۋىنشا، وسى ماسەلەنى ءماجىلىس زاڭ جاعىنان قامتاماسىز ەتىپ وتىر، ال جاۋاپتى مينيسترلىك باسقا مەملەكەتتىك  ورگاندارمەن بىرلەسىپ، ۇيىمداستىرۋ شارالارىن جاساۋى  قاجەت. نۇرلان نىعماتۋليننىڭ پىكىرىنشە، بۇل اۋىلشارۋاشىلىعى سالاسىندا جۇمىس ىستەيتىن كاسىپكەرلەرگە كومەك بولادى.

سونىمەن قاتار، بۇگىنگى جالپى وتىرىستا پالاتا دەپۋتاتتارى تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ اۆتوكولىك قۇرالدارىن جىمقىرۋعا قارسى كۇرەستەگى جانە ولاردى قايتارۋدى قامتاماسىز ەتۋدەگى ىنتىماقتاستىعى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسىن ماقۇلدادى.   قۇجات تمد-عا قاتىسۋشى مەملەكەتتەردىڭ اۋماقتارىندا اۆتوكولىك قۇرالدارىنا قىلمىستىق قولسۇعۋشىلىقتارعا قارسى ءىس-قيمىل جۇيەسىن جەتىلدىرۋگە باعىتتالعان.

ەسكەرتپەگە سايكەس، اقپاراتتىق دەرەكقوردى ەلىمىزدىڭ مەملەكەتتىك شەكاراسىن كەسىپ وتەتىن اۆتوكولىك قۇرالدارى تۋرالى مالىمەتتەرمەن تولىقتىرىپ تۇرۋ ماسەلەلەرى قازاقستان رەسپۋبليكاسىنا قولدانىلمايدى. ىشكى ىستەر مينيسترلىگىنىڭ مالىمەتتەرىنە سايكەس، سوڭعى 15 جىلدا قازاقستاندا 40 303 كولىك ۇرلانعان. ونىڭ ىشىندە تمد ەلدەرىندە بار بولعانى 223 اۆتوكولىك تابىلدى، ال قازاقستانعا قايتارىلعانى – 66.

سونىمەن قاتار، پالاتا بۇگىن قازاقستان مەن موڭعوليا اراسىنداعى ازاماتتىق جانە قىلمىستىق ىستەر جونىندەگى ءوزارا كومەك تۋرالى شارتقا وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى زاڭ جوباسىن ماقۇلدادى. بۇل حاتتاما قازاقستان رەسپۋبليكاسى مەن موڭعوليا اراسىنداعى قۇقىقتىق ماسەلەلەر بويىنشا ىنتىماقتاستىقتى بەكىتۋگە باعىتتالعان. سونداي-اق ەكى ەلدىڭ ازاماتتارىنا ازاماتتىق جانە قىلمىستىق سوت ءىسىن جۇرگىزۋ سالاسىندا قۇقىقتىق كومەك كورسەتۋ ماسەلەلەرىندە ەكىجاقتى ارىپتەستىككە جاڭا سەرپىن بەرۋگە مۇمكىندىك بەرەدى.

سونداي-اق، وتىرىس بارىسىندا پالاتا VII سايلانعان قازاقستان رەسپۋبليكاسى پارلامەنتى ءماجىلىسىنىڭ وكىلەتتىكتەرىن ىسكە اسىرۋدىڭ I سەسسياعا ارنالعان نەگىزگى ءىس-شارالار جوسپارىن بەكىتتى.

اتاپ ايتقاندا، جوسپار نەگىزگى 5 بولىمنەن تۇرادى. ءبىرىنشى سەسسياعا بارلىعى 35 نەگىزگى ءىس-شارالار وتكىزۋ جوسپارلانعان، ونىڭ ىشىندە ءماجىلىس كوميتەتەرىنىڭ 9  كەڭەيتىلگەن تاقىرىپتىق وتىرىستارى، ۇكىمەتتىك ساعاتتار، 1 حالىقارالىق كونفەرەنتسيا، 9 دوڭگەلەك ۇستەل جانە باسقا دا ءىس-شارالار ۇسىنىلىپ وتىر.

ءماجىلىستىڭ حالىقارالىق جانە پارلامەنتارالىق قىزمەتىن ىسكە اسىرۋ بويىنشا شارالار جەكە كەستە نەگىزىندە جۇزەگە اسىرىلاتىن بولادى. جوسپار جوباسى ءماجىلىستىڭ تۇراقتى كوميتەتتەرىندە پىسىقتالدى ءارى وزەكتى ماسەلەلەردەن تۋىندايتىن ماڭىزدى ءىس-شارالاردى قامتيدى.

سونىمەن قاتار، ەلدەگى سانيتارلىق-ەپيدەميولوگيالىق جاعدايدى ەسكەرە وتىرىپ، اتالعان تاقىرىپتىق وتىرىستاردى بەينە-كونفەرەنتس-بايلانىس فورماتىندا  وتكىزۋ مۇمكىندىگى دە قاراستىرىلعان.

وتىرىس سوڭىندا ءماجىلىس دەپۋتاتتارى مەملەكەتتىك ورگاندار باسشىلارىنا دەپۋتاتتىق ساۋالدار جولدادى. ولار: گ.بيجانوۆا، ا.قوجاحمەتوۆ، ج.وماربەكوۆا، ا.پلاتونوۆ، ە.سايروۆ، د.ەسپاەۆا، ا. جۇماباەۆا، ك.يسا، ا. پەرۋاشەۆ، ا. سەمبينوۆ، گ. كۋلاحمەتوۆ،  ا. ميليۋتين، ي. سميرنوۆا، س. ابدراحمانوۆ.

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار