قوعام • 27 قاڭتار، 2021

قازاقستاندا الەۋمەتتىك قىزمەت كورسەتۋ جۇيەسى جاڭعىرتىلادى

93 رەت كورسەتىلدى

ەڭبەك جانە حالىقتى الەۋمەتتىك قورعاۋ مينيسترلىگى قازاقستاندا الەۋمەتتىك قىزمەت كورسەتۋ جۇيەسىن ودان ءارى جاڭعىرتۋدىڭ 2025 جىلعا دەيىنگى ۇلتتىق جوسپارىنىڭ جوباسىن ازىرلەدى. ول مەملەكەتتىڭ، جەكە سەكتوردىڭ، ۇكىمەتتىك ەمەس ۇيىمداردىڭ جانە ازاماتتاردىڭ وزدەرىنىڭ ىنتىماقتى قاتىسۋى ەسەبىنەن الەۋمەتتىك قىزمەت كورسەتۋدىڭ ساپاسى مەن قولجەتىمدىلىگىن ارتتىرۋعا باعىتتالعان، دەپ حابارلايدى Egemen.kz.

ارناۋلى الەۋمەتتىك قىزمەتتەر ساپاسىنىڭ قاجەتتى دەڭگەيىنە قول جەتكىزۋ جانە حالىقتىڭ مۇقتاج توپتارى ءۇشىن ولاردىڭ قولجەتىمدىلىگىن ارتتىرۋ ءۇشىن قۇجاتتا الەمدىك ۇردىستەردى ەسكەرە وتىرىپ، جاڭا جاعدايلاردا الەۋمەتتىك قىزمەت كورسەتۋ جۇيەسىن دامىتۋدىڭ نەگىزگى باسىمدىقتارى مەن تەتىگى ايقىندالعان.

ۇلتتىق جوسپاردى ىسكە اسىرۋ شەڭبەرىندە مىناداي جۇيەلى وزگەرىستەر كوزدەلگەن:

  1. ءوتىنىش بەرۋ قاعيداتىنىڭ ورنىنا الەۋمەتتىك قىزمەت كورسەتۋدىڭ پرواكتيۆتى فورماتىنا كوشۋ.

ارناۋلى الەۋمەتتىك قىزمەتتەر كورسەتۋدىڭ پرواكتيۆتى فورماتىنا كوشۋ ءۇشىن الەۋمەتتىك قىزمەت كورسەتۋگە مۇقتاج ازاماتتاردىڭ بىرىڭعاي ەلەكتروندىق تىركەلىمى قۇرىلاتىن بولادى. ول ورتالىق مەملەكەتتىك جانە جەرگىلىكتى اتقارۋشى ورگانداردىڭ اقپاراتتىق جۇيەلەرىنىڭ دەرەكتەرى نەگىزىندە قالىپتاستىرىلادى، وندا الەۋمەتتىك تاۋەكەلدەردىڭ الۋان تۇرلەرىنىڭ تۋىنداۋىنا بايلانىستى مەملەكەتتىك قولداۋ الاتىن ادامدار تۋرالى اقپارات قامتىلادى. سونداي-اق، «وتباسىنىڭ (ازاماتتىڭ) تسيفرلىق كارتاسى»، «ە-ءوتىنىش» جانە الەۋمەتتىك قىزمەتتەر پورتالى سياقتى اقپاراتتىق جۇيەلەر ىسكە قوسىلادى.

جالپىلانعان وزەكتى اقپاراتتىڭ بولۋى ۇسىنىلاتىن ارناۋلى قىزمەتتەر مەن تاۋارلاردىڭ تۇرلەرى مەن كولەمدەرىن جەدەل ايقىنداۋعا جانە ناقتىلاۋعا، سونداي-اق ازاماتتاردىڭ وتىنىشتەرىن كۇتپەي-اق پرواكتيۆتى الەۋمەتتىك قىزمەت كورسەتۋدى ۇيىمداستىرۋعا مۇمكىندىك بەرەدى.

  1. ءىرى ينتەرنات-ۇيلەردىڭ ورنىنا ۇيدە نەمەسە شاعىن جيناقتالعان الەۋمەتتىك قىزمەت كورسەتۋ ۇيىمدارىندا قىزمەت كورسەتۋ.

وسى ماقساتتا ءىرى ينتەرنات-ۇيلەردى كەزەڭ-كەزەڭمەن دەينستيتۋتسيالاندىرۋ جۇرگىزىلەتىن بولادى. ولاردىڭ بازاسىندا الەۋمەتتىك قىزمەت كورسەتۋ جۇيەسىن قولداۋ جانە دامىتۋ جونىندەگى وڭىرارالىق جانە وبلىستىق عىلىمي-ادىستەمەلىك ورتالىقتار جانە كوپ بەيىندى شاعىن الەۋمەتتىك قىزمەت كورسەتۋ ۇيلەرى قۇرىلاتىن بولادى.

الەۋمەتتىك قىزمەت كورسەتۋدىڭ كوپ بەيىندى شاعىن ۇيلەرىن مەملەكەتتىك-جەكەشەلىك ارىپتەستىك تەتىگى نەگىزىندە كوممەرتسيالىق ەمەس ۇيىمدار مەن جەكە سەكتور سۋبەكتىلەرى قۇراتىن بولادى.

كونكۋرستان وتكەن ۇيىمدار كورسەتىلەتىن ارنايى تاۋارلار مەن قىزمەتتەردىڭ تىزبەسىن الەۋمەتتىك قىزمەتتەر پورتالىندا ورنالاستىراتىن بولادى. الەۋمەتتىك قىزمەتكە مۇقتاج ادامدار لايىقتى ۇيىمدى ءوز بەتىنشە تاڭداي الادى.

سونداي-اق وسى باعىتتى ىسكە اسىرۋ شەڭبەرىندە ازاماتتاردىڭ وسى ساناتىن تسيفرلىق ساۋاتتىلىققا وقىتۋمەن اينالىساتىن، قاشىقتىقتان وقىتۋ، ەڭبەك قىزمەتىمەن اينالىسۋ جانە قوعامدىق ءىس-شارالارعا قاتىسۋ مۇمكىندىگىن بەرەتىن تسيفرلىق قىزمەتتەرگە قولجەتىمدىلىكتى ۇيىمداستىرۋ ءۇشىن ولاردى قاجەتتى كومپيۋتەرلىك تەحنيكامەن قامتاماسىز ەتەتىن سەرۆيستىك قىزمەتتەردى قۇرۋ جانە دامىتۋ كوزدەلەدى.

ۇيدە قىزمەت الۋ مۇمكىندىگى كەڭەيتىلەدى. بۇل رەتتە ۇيدەگى ادامدارعا قازىرگى كەزدەگىدەي جالپى بەيىندەگى قىزمەتتەر عانا ەمەس، سونداي-اق ولاردىڭ جەكە قولايسىزدىعى مەن قاجەتتىلىكتەرىنە قاراي مامانداندىرىلعان جانە كەشەندى قىزمەتتەر دە ۇسىنىلاتىن بولادى.

جالپى بەيىندەگى قىزمەتتەردى كورسەتۋگە جۇمىسپەن قامتىلماعان وتباسى مۇشەلەرى كەڭىنەن تارتىلاتىن بولادى. ولار ءۇشىن ازاماتتاردىڭ نىسانالى ساناتتارىمەن جۇمىس ىستەۋ داعدىلارىنا تەگىن وقىتۋ كۋرستارى ۇيىمداستىرىلادى.

ۇيدە قىزمەت الاتىن ادامدار تۇرعىلىقتى جەرى بويىنشا مەديتسينالىق-الەۋمەتتىك ۇيىمدارعا مىندەتتى تۇردە بەكىتىلەتىن بولادى. ۇيىمدار قامقورلىقتاعى ادامداردىڭ تىرشىلىك ارەكەتىن جانە/نەمەسە الەۋمەتتىك ينتەگراتسياسىن قولداۋعا باعىتتالعان مامانداندىرىلعان جانە كەشەندى قىزمەتتەر كورسەتەتىن بولادى.

  1. ۇيىم تيپتەرى بويىنشا ستاندارتتاردىڭ ورنىنا قىزمەت تۇرلەرى بويىنشا ستاندارتتاردى ەنگىزۋ.

الەۋمەتتىك قىزمەت كورسەتۋدىڭ نۇسقالىق نىساندارىن كەڭەيتۋ ارناۋلى الەۋمەتتىك قىزمەتتەر كورسەتۋدە تاسىلدەر مەن شەشىمدەردىڭ بىركەلكىلىگىن تالاپ ەتەدى. ادىستەمەلەر مەن تەحنولوگيالارعا بىرىزدەندىرىلگەن كوزقاراس قازىرگى كەزدەگىدەي الەۋمەتتىك قىزمەت كورسەتۋ ۇيىمدارىنىڭ تۇرلەرىنە ەمەس، ۇسىنىلاتىن ارناۋلى الەۋمەتتىك قىزمەتتەردىڭ تۇرلەرىنە قاراي جۇزەگە اسىرىلاتىن بولادى.

  1. جالپى تاريفتەردىڭ ورنىنا جان باسىنا شاققانداعى قارجىلاندىرۋدى ەنگىزۋ.

جوسپارلانىپ وتىرعان وزگەرىستەر شەڭبەرىندە ارناۋلى الەۋمەتتىك قىزمەتتەر كورسەتۋدى قارجىلاندىرۋدىڭ جان باسىنا شاققانداعى تەتىگى ەنگىزىلەتىن بولادى. تاريفتەر مەملەكەت كەپىلدىك بەرگەن قىزمەتتەردىڭ تۇرلەرى بويىنشا بەلگىلەنەدى. جالپى بەيىندەگى قىزمەتتەر بويىنشا بىرىڭعاي تاريفتەر، كەشەندى قىزمەتتەر بويىنشا ارالاس تاريفتەر بەلگىلەنەتىن بولادى.

قىزمەت كورسەتۋشىلەردىڭ ناقتى شىعىندارى تاريفتەردىڭ نەگىزىنە اينالادى. تسيفرلاندىرۋ جانە قىزمەتتەردى الۋشىلاردىڭ ەلەكتروندىق جەكە كارتالارىن (ارناۋلى الەۋمەتتىك قىزمەتتەر كورسەتۋ تاريحى) ەنگىزۋ شەڭبەرىندە الەۋمەتتىك قىزمەت كورسەتۋدى ۇيىمداستىرۋ شىعىستارىنىڭ مونيتورينگى جۇيەسى كەزەڭ-كەزەڭىمەن ىسكە اسىرىلاتىن بولادى. بۇل ناقتى شىعىندار نەگىزىندە تاريفتىك ساياساتتىڭ اشىقتىعى مەن تيىمدىلىگىن ەداۋىر ارتتىرادى. مەملەكەت كەپىلدىك بەرگەن كولەم شەڭبەرىندە بەرىلەتىن ارنايى تاۋارلارعا (تەحنيكالىق كومپەنساتورلىق قۇرالدارعا) شەكتى باعالار بەلگىلەنەتىن بولادى. ولار وندىرۋشىلەردىڭ باعالارى، ولاردىڭ يمپورتى كەزىندە ۋاكىلەتتى مەملەكەتتىك ورگانداردىڭ مامانداندىرىلعان ۇيىمدارىندا تىركەلگەن تاۋارلاردىڭ قۇنى جانە نارىقتا ءىس جۇزىندە قالىپتاسقان باعالار ەسكەرىلە وتىرىپ قالىپتاستىرىلادى.

ارنايى تاۋارلارعا شەكتى باعالاردى بەكىتىلگەن بيۋدجەتتىك باعدارلامالارعا سايكەس ورتالىق مەملەكەتتىك جانە جەرگىلىكتى اتقارۋشى ورگاندار بەلگىلەيدى.

  1. جۇمىسپەن قامتۋ جانە الەۋمەتتىك باعدارلامالار بولىمدەرىنىڭ ورنىنا الەۋمەتتىك باعدارلامالار قىزمەتتەرىن قۇرۋ.

جۇيەدەگى قايتا قۇرۋ پروتسەستەرىن ءتيىمدى باسقارۋ ءۇشىن جەرگىلىكتى اتقارۋشى ورگانداردىڭ الەۋمەتتىك قىزمەتتەرىن قازىرگى كەزدەگىدەي وسى مىندەتتەردى ورىنداۋعا ەمەس، الەۋمەتتىك قىزمەت كورسەتۋ جونىندەگى جۇمىستاردى ۇيلەستىرۋگە جانە ۇيىمداستىرۋعا قايتا باعدارلاۋ كوزدەلەدى.

  1. اۋماقتىق بەكىتۋدىڭ ورنىنا الەۋمەتتىك قىزمەتكەردى تاڭداۋ.

الەۋمەتتىك قىزمەت كورسەتۋگە مۇقتاج ادامدارعا ارنايى تاۋارلار مەن قىزمەتتەردى تاڭداۋمەن، قىزمەت كورسەتۋدى ۇيىمداستىرۋمەن قاتار، ولارعا قىزمەت كورسەتەتىن الەۋمەتتىك قىزمەتكەرلەردى تاڭداۋ مۇمكىندىگى ۇسىنىلاتىن بولادى. وسى ماقساتتا الەۋمەتتىك قىزمەتكەرلەردىڭ بىرىڭعاي بازاسى ء(تىزىلىمى) قۇرىلادى. وندا الەۋمەتتىك قىزمەتكەرلەردىڭ بىلىكتىلىگى، ولار كورسەتەتىن قىزمەتتەردىڭ تۇرلەرى مەن ساپاسى جانە جۇمىس ناتيجەلەرى تۋرالى اقپارات قامتىلادى.

بىرىڭعاي بازا قىزمەت تۇتىنۋشىلارىنا باسەكەلەستىك ورتادا الەۋمەتتىك قىزمەتكەرلەردى تاڭداۋعا مۇمكىندىك بەرەدى. الەۋمەتتىك قىزمەتكەرلەرگە دەگەن سۇرانىس ولاردىڭ جالاقى دەڭگەيىندە كورىنىس تابادى. الەۋمەتتىك قىزمەتكەرلەردىڭ كاسىپتىك دەڭگەيىن ارتتىرۋ ءۇشىن ۇزدىكسىز ءبىلىم بەرۋ ەلەمەنتتەرىن پايدالانا وتىرىپ، كادرلار دايارلاۋدىڭ كوپ دەڭگەيلى جۇيەسى ەنگىزىلەتىن بولادى.

جوسپارلانىپ وتىرعان قايتا قۇرۋلار جانە ولاردى ىسكە اسىرۋ 2025 جىلعا دەيىن الەۋمەتتىك قىزمەت كورسەتۋگە مۇقتاج ادامداردىڭ تۇرعىلىقتى جەرىنە قاراماستان، ولاردىڭ 90%-ىنا دەيىن ارناۋلى الەۋمەتتىك قىزمەت كورسەتۋمەن قامتۋعا، الەۋمەتتىك قىزمەت كورسەتۋگە مۇقتاج ازاماتتاردىڭ بىرىڭعاي ەلەكتروندىق تىركەلىمىنە ەنگىزىلگەن ادامداردىڭ 65%-ىنان استامىنا پرواكتيۆتى قىزمەتتەر كورسەتۋگە مۇمكىندىك بەرەدى. ينتەرنات-ۇيلەردەگى ادامداردىڭ 50%-ى تۇرعىلىقتى جەرى بويىنشا شاعىن جيناقتالعان الەۋمەتتىك قىزمەت كورسەتۋ ۇيلەرىنە كوشىرىلەدى نەمەسە ۇيدە قىزمەت كورسەتۋ ءۇشىن وتباسىنا قايتارىلادى.

سوڭعى جاڭالىقتار

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار