وتىنىمدەردى قابىلداۋدىڭ ءبىرىنشى كۇنىندە-اق، ياعني  2021 جىلدىڭ 25 قاڭتارىندا  «وتباسى بانك» تۇرعىن ءۇي قۇرىلىس جيناق بانكى» اق ۋاكىلەتتى وپەراتورىنان  «بجزق» اق-عا  جالپى سوماسى 114،6 ملرد.تەڭگەدەن استام سوماعا 10 292 ءوتىنىم كەلىپ ءتۇستى. بارلىق كەلىپ تۇسكەن وتىنىمدەردى «بجزق» اق سول كۇنى-اق، ەش كىدىرىسسىز قارادى.  

8 460 ءوتىنىم (82% نەمەسە جالپى سوماسى 49،2 ملرد تەڭگە) تەكسەرۋدەن ءساتتى ءوتتى. زاڭناماعا سايكەس «بجزق» اق-عا ءوتىنىم كەلىپ تۇسكەن كۇننەن باستاپ 5 جۇمىس كۇنىنەن كەشىكتىرىلمەي، سالىمشىلاردىڭ «وتباسى بانكى» اق ارنايى شوتتارىنا شامامەن 49،2 ملرد تەڭگە اۋدارىلادى. اۋدارىمنىڭ ورتاشا سوماسى – 5،8 ملن تەڭگە.

1832  (نەمەسە18%) ءوتىنىمدى زاڭناما تالاپتارىنا سايكەس كەلمەيتىندىكتەن  «بجزق» اق تومەندەگى نەگىزگى سەبەپتەر بويىنشا قابىلدامادى:

1. سومالار قاتە، ياعني شوتتاعى زەينەتاقى جيناقتارىنىڭ كولەمىنەن اسىرا كورسەتىلگەن. سوندىقتان وتىنىمدەردى «وتباسى بانكى» ۇسىنىمدارىن باسشىلىققا الا وتىرىپ، مۇقيات تولتىرۋ كەرەك.

2. جەكە تابىس سالىعىن (جتس) تولەۋ ءتاسىلىن تاڭداۋ كەزىندە الۋعا سۇرانىس جاسالاتىن سومالار دۇرىس كورسەتىلمەگەن.

سالىق زاڭناماسى بويىنشا مىندەتتى زەينەتاقى جارنالارىنا قورعا اۋدارىلعان كەزىندە جتس سالىنبايدى، سوندىقتان زەينەتاقى تولەمدەرىنە سالىق سالىنۋى ءتيىس. سالىمشى بىرجولعى زەينەتاقى تولەمىن العان كەزدە جتس تولەۋدىڭ ەكى ءتاسىلىن تاڭداۋعا قۇقىلى. ءبىرىنشى ءتاسىل - كەيىنگە قالدىرۋ، ەكىنشى ءتاسىل - بىرجولعى زەينەتاقى تولەمى كەزىندە سالىقتى تولىق كولەمدە بىردەن تولەۋ. سالىمشىنىڭ شەشىمى ۋاكىلەتتى وپەراتورعا بەرىلەتىن وتىنىمدە كورسەتىلۋى ءتيىس.

ەگەر ءوتىنىش بەرۋشى جتس تولەۋدى كەيىنگە قالدىرۋ تۋرالى شەشىم قابىلداسا، وندا ول وتىنىمدە سۇراتىلاتىن سومانى جتس-تى شەگەرمەستەن كورسەتۋى ءتيىس. ەگەر ءوتىنىش بەرۋشى جتس-تى تولىق كولەمدە بىردەن تولەۋدى ۇيعارسا، وندا ول وتىنىمدە الۋعا بولاتىن سومانى 10% مولشەرىندەگى جتس-تى شەگەرە وتىرىپ كورسەتۋگە ءتيىس.

بجزق بەرەتىن ءۇزىندى كوشىرمەدە سالىمشىعا ىڭعايلى جانە ءوز بەتىنشە تاڭداۋ جاساۋ ءۇشىن ەكى سوما دا كورسەتىلگەن. سالىمشى كورسەتەتىن، الۋعا بولاتىن سوما بجزق-دان ونىڭ ۋاكىلەتتى وپەراتوردا اشىلعان ارنايى شوتىنا تۇسەدى.

3. وتىنىمدە الۋعا سۇرانىس جاسالاتىن سومالار ەڭ از جەتكىلىكتىلىك شەگىن ەسەپكە الماستان كورسەتىلەدى. سالىمشىلار ءوز وتىنىمدەرىندە الۋعا بولاتىن جانە ءۇزىندى كوشىرمەدە كورسەتىلگەن سوما شەگىندە ەمەس، جەكە زەينەتاقى شوتىنداعى زەينەتاقى جيناقتارىنىڭ بارلىق سوماسىن كورسەتكەن.

4. وتىنىمدەردە ۆاليۋتا باعامدارىنىڭ قۇبىلمالىلىعى جانە زەينەتاقى اكتيۆتەرىنىڭ ينۆەستيتسيالىق پورتفەلىندەگى قارجى قۇرالدارى قۇنىنىڭ وزگەرۋى ناتيجەسىندە ينۆەستيتسيالىق تابىستىڭ نارىقتىق اۋىتقۋىنا بايلانىستى وزگەرىستەردى ەسكەرمەيتىن وزەكتى ەمەس سومالار كورسەتىلگەن.

5. «بجزق» اق دەرەكتەر بازاسىندا جەكە زەينەتاقى شوتتارى جانە تيىسىنشە زەينەتاقى جيناقتارى جوق تۇلعالاردان دا وتىنىمدەر تۇسكەن.

6. سالىمشىلار ءبىرىن-ءبىرى قايتالايتىن وتىنىمدەر دە بەرگەن.

وسى جايتتەردى ەسكەرە وتىرىپ، ازاماتتارعا وزدەرىنىڭ زەينەتاقى جيناقتارى تۋرالى وزەكتى اقپاراتتى، ونىڭ ىشىندە قولجەتىمدى سوما تۋرالى مالىمەتتەردى enpf.kz سايتىنداعى جەكە كابينەتتەن نەمەسە بىرىڭعاي جيناقتاۋشى زەينەتاقى قورىنىڭ موبيلدىك قوسىمشاسى ارقىلى بىرجولعى زەينەتاقى تولەمدەرىن الۋعا تىكەلەي ءوتىنىم بەرەر الدىندا مۇقيات تەكسەرۋگە كەڭەس بەرەمىز.

زەينەتاقى جيناقتارى تۋرالى اقپارات «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» قر زاڭىنىڭ تالاپتارىنا سايكەس زەينەتاقى جيناقتارىنىڭ قۇپياسىن قامتاماسىز ەتۋ ماقساتىندا سالىمشىنىڭ وزىنە عانا بەرىلەدى.

ەستەرىڭىزگە سالا كەتەيىك، سالىمشىنىڭ  بجزق-دا جەتكىلىكتىلىك شەگىنەن اساتىن سوماسى بولعان جاعدايدا، ونى پايدالانۋعا ءوتىنىم شەكسىز رەت بەرىلۋى مۇمكىن. ەگەر قانداي دا ءبىر سەبەپپەن سالىمشىعا بىرجولعى زەينەتاقى تولەمىن الۋعا ارنالعان ءوتىنىمدى قاناعاتتاندىرۋدان باس تارتىلسا، وندا باس تارتۋ سەبەبىن جويىپ، ۋاكىلەتتى وپەراتورعا قايتادان ءوتىنىم بەرۋگە بولادى. ەگەر سالىمشى ءوز جيناقتارىن ءارتۇرلى ماقساتتارعا پايدالانعىسى كەلسە، وندا الۋعا بولاتىن سوما شەگىندە وسى ماقساتتارعا جەكە وتىنىمدەر بەرۋگە بولادى.

سونداي-اق، ءوتىنىم بەرۋگە جانە زەينەتاقى جيناقتارىن تۇرعىن ءۇي جاعدايلارىن جاقسارتۋ جانە (نەمەسە) ەمدەلۋگە اقى تولەۋ ءۇشىن نىسانالى پايدالانۋ شارتتارىنا بايلانىستى بارلىق ماسەلەلەردى ۋاكىلەتتى وپەراتوردىڭ ء«بىر تەرەزە» قاعيداتى بويىنشا قارايتىنىن جانە بجزق-عا جەكە ءوتىنىش بەرۋ قاجەتتىگى تالاپ ەتىلمەيتىنىن ەستەرىڭىزگە سالامىز.

بجزق-نىڭ بارلىق تەحنيكالىق جانە اقپاراتتىق رەسۋرستارى شتاتتىق رەجيمدە جۇمىس ىستەۋدە.