رۋحانيات • 27 قاڭتار، 2021

ەلوردالىق مەكتەپ وقۋشىلارى ءۇشىن «تەاتر ساباعى» وتكىزىلەدى

2 رەت كورسەتىلدى

وسى جىلدىڭ 30 قاڭتارىندا «استانا وپەرا» نۇر-سۇلتان قالاسىنىڭ اكىمدىگىمەن بىرلەسە 9-سىنىپ وقۋشىلارىنا ارناپ «تەاتر ساباعى» اتتى جاڭا، قىزىقتى شىعارماشىلىق جوبانى باستايدى، دەپ حابارلايدى Egemen.kz.

بۇل جوبانى ىسكە اسىرۋ ءۇشىن اكىمدىك وقۋشىلاردى ۇيىمداستىرۋ جانە وزگە دە ماڭىزدى ماسەلەلەردى ءوز موينىنا الدى. «استانا وپەرا» تەاترى بەلسەندى اعارتۋشىلىق قىزمەتىن جۇرگىزىپ كەلە جاتقانىن ايتىپ وتكەن ءجون، ونىڭ رەپەرتۋارىندا بالالار مەن جاسوسپىرىمدەرگە ارنالعان ءتۇرلى جوبالار مەن كونتسەرتتەر بار. ەسكە سالار بولساق، قاسىم-جومارت توقاەۆ ءوزىنىڭ قازاقستان حالقىنا جولداۋىندا: «بالالار ءۇشىن قاتەرلى بۇگىنگىدەي اۋمالى-توكپەلى زاماندا ولاردىڭ كۇش-جىگەرى مەن قىزىعۋشىلىعىن دۇرىس ارناعا باعىتتاۋ اسا ماڭىزدى. بالالار مەملەكەتىمىزدىڭ بولاشاعى ەمەس پە؟!» دەپ ءمالىم ەتتى.

ەلوردا اكىمى التاي كولگىنوۆ تەاترمەن بىرلەسە جۇزەگە اسىراتىن جوبانىڭ ماڭىزدىلىعىن اتاپ ءوتتى، «بۇل مەكتەپ قابىرعاسىنان باستاپ وقۋشىلاردىڭ بويىنا مادەنيەتكە دەگەن ماحاببات پەن ادامي-رۋحاني قۇندىلىقتاردى باۋلىپ قانا قويماي، سونداي-اق ولاردىڭ شىعارماشىلىق قابىلەتتەرى مەن دارىندارىن اشۋعا مۇمكىندىك بەرەدى».

“وكىنىشكە قاراي كارانتين جاعدايىندا بالالار ءتۇرلى گادجەتتەردى اناعۇرلىم كوپ پايدالانادى، تەلەديداردى كوپ كورەدى، كومپيۋتەرلىك ويىندار وينايدى، سوندىقتان وپەرا جانە بالەت ارتىستەرىمىز بەن وركەستر مۋزىكانتتارىمىزدىڭ شەبەرلىگى، ءسان-سالتاناتى جاراسقان تاماشا تەاترىمىز بالانى جاڭا اتموسفەراعا بولەپ، وعان اسقاق ونەر الەمىن اشادى دەپ ۇمىتتەنەمىز. ءبىزدىڭ مىندەتىمىز – بولاشاقتاعى كورەرمەندەرىمىزدى، وپەرا جانە بالەت ونەرىن سۇيەر قاۋىمدى مەكتەپ جاسىنان باستاپ قالىپتاستىرۋ”، - دەپ پىكىرىمەن ءبولىستى مادەنيەت قايراتكەرى، تانىمال مۋزىكاتانۋشى مارجان جاكەنوۆا.

«تەاتر ساباعىن» تەك جوعارى سىنىپ وقۋشىلارى، ياعني بوزبالالار مەن بويجەتكەندەر ءۇشىن وتكىزۋ تۋرالى شەشىم قابىلداندى.

“ولاردىڭ كەيبىرەۋى، ارينە، تەاتردا بولعان، الايدا ونەر ورداسىنا كەلۋدىڭ ءاربىر ءساتى – بۇل ءاردايىم مەيرام ەمەس پە! تەاتردا ەشقاشان بولىپ كورمەگەن، جاي عانا جانىنان ءوتىپ بارا جاتىپ، بۇل قولجەتىمسىز دەپ ويلاعان بالالار دا بار. شىن مانىندە، تەاتردىڭ ەسىگى بالالار ءۇشىن دە، ەرەسەكتەر ءۇشىن دە ايقارا اشىق”، - دەپ ءسوزىن جالعاستىردى مارجان جاكەنوۆا.

بالالار ءۇشىن العاشقى تەاتر قوڭىراۋى 30 قاڭتاردا سوعىلادى. جاس كورەرمەندەر نازارىنا الەمدىك حورەوگرافيا جاۋھارى – ل.مينكۋستىڭ «بايادەركا» بالەتى دايىندالدى. ءىس-شارا باعدارلاماسىنا سايكەس، وقۋشىلار تەاترعا سپەكتاكلدىڭ باستالۋىنا دەيىن 2 ساعات بۇرىن كەلەدى. ولاردىڭ نازارىنا سلايدتاردى قولدانۋ ارقىلى تارتىمدى تۇردە 15 مينۋتتىق ءدارىس ازىرلەندى، تاجىريبەلى مۋزىكاتانۋشىلار بالەتتىڭ مازمۇنى، كومپوزيتورى، حورەوگرافى، قويىلىم تۋرالى، سونداي-اق بالالاردىڭ بۇل كۇنى ساحنادان كورەتىن سوليستەر تۋرالى قىزىقتى اقپاراتتى اڭگىمەلەپ بەرەدى.

تەاتر ساباعىنا 30 وقۋشى كەلەدى. ولار ون ادامنان ءۇش توپقا بولىنەدى. تەاتر بويىنشا بالالاردى ساحنا سىرتى الەمىنە ساياحات جاساتۋ ءۇشىن ءۇش ەكسكۋرسيا جەتەكشىسى الىپ جۇرەتىن ءۇش باعدار ازىرلەندى.

“بالالار قويىلىمدى جاساۋدىڭ ارتىندا قانشاما ادامنىڭ تۇرعانىن كورەدى. ءبىز گريم جاساۋ بولمەلەرىنە باس سۇعامىز، ولار ارتىستەرگە قالاي گريم جاسايتىنىن، قانداي جاساندى شاشتاردىڭ بولاتىنىن كورەدى. سودان كوستيۋمەرلىك تسەحقا كىرەمىز، وندا بالالار بالەت پاچكاسىن ۇستاپ كورىپ، ونىڭ قانشالىقتى جەڭىل ەكەنىنە كوز جەتكىزە الادى. جەڭىل بالەت كوستيۋمدەرى مەن مىسال رەتىندە XVIII عاسىردىڭ ايبىندى وپەرا كيىمدەرى اراسىنداعى  ايىرماشىلىقتى كورەدى. اياق كيىم تسەحىندا بالالار ناعىز بالەت پۋانتالارىن قولمەن ۇستاپ كورە الادى. ءسوزسىز، ولارعا بۋتافور جانە رەكۆيزيت تسەحتارىندا قىزىقتى بولار، بۇل جەردە ولار بۋتافوريانىڭ نە ەكەندىگىن جانە دەكوراتسيالاردىڭ قالاي جاسالاتىنىن بىلەتىن بولادى. ەكسكۋرسيا كەزىندە بارلىق قاۋىپسىزدىك شارالارى ساقتالادى – بالالار باستارىنا كاسكا كيەدى. سونداي-اق ولاردىڭ باعدارىنا مۋزىكالىق كىتاپحانا، دايىندىق زالدارى مەن تاعى باسقالار كىرەدى”، - دەپ قورىتىندىلادى مارجان جاكەنوۆا.

تەاتر بەتپەردە تاعىپ ءجۇرۋ، قولدى تازارتىپ، زارارسىزداندىرۋ، كورەرمەن زالىنا الەۋمەتتىك اراقاشىقتىقتى ەسكەرىپ وتىرعىزۋ سياقتى سانيتاريالىق نورمالاردى تولىقتاي ساقتايتىنىن اتاپ ءوتۋ ماڭىزدى.

سوڭعى جاڭالىقتار

COVID-19: سىرى قاشان اشىلار؟..

كوروناۆيرۋس • بۇگىن، 08:35

العىس ارقالاعان ازامات

مەديتسينا • بۇگىن، 08:34

جاقسىلىق جاساساڭ، اۋىلىڭا جاسا

مەديتسينا • بۇگىن، 08:31

العا باسقان ازاماتتىق قوعام

قازاقستان • بۇگىن، 08:26

اقىن داڭقى الاسارمايدى

رۋحانيات • بۇگىن، 08:25

كورشى ءوڭىردىڭ كومەگى

ءبىلىم • بۇگىن، 08:25

ءوڭىردىڭ وركەندەۋى – ورتاق يگىلىك

وڭتۇستىك قازاقستان • بۇگىن، 08:22

ءۇمىت وتىن لاۋلاتقان...

ايماقتار • بۇگىن، 08:22

عۇلاما عالىم، كورنەكتى قايراتكەر

قازاقستان • بۇگىن، 08:19

70 ملن توننا مۇناي ەكسپورتتالدى

قازاقستان • بۇگىن، 08:17

ماقتانىشىم مەن ساعىنىشىم

قازاقستان • بۇگىن، 08:15

ءار سۋرەتتە – ءومىر ساۋلەسى

ايماقتار • بۇگىن، 08:13

جاقسىلىققا جەتەلەگەن جوبا

قوعام • بۇگىن، 08:10

وزىق كاسىپورىن – «رودينا»

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار