ساراپتاۋ كوميسسياسىنىڭ قۇرامىنا كاسىبي شەتەلدىك جانە وتاندىق فوتوگرافتار, فوتوسۋرەت سالاسىنداعى ساراپشىلار, باق وكىلدەرى كىرەدى. بايقاۋعا اۋەسقوي فوتوگرافتار مەن 18 جاستان اسقان كاسىبي ماماندار قاتىسا الادى.
قاتىسۋشىلار جۇمىسى 1 اقپاننان 15 ساۋىرگە دەيىن قابىلدانادى. بايقاۋ شارتتارىمەن مىنا سىلتەمەدە تولىق تانىسۋعا بولادى.
ۇيىمداستىرۋشىلار ادام مەن تابيعاتتىڭ ءوزارا قاتىناس ماسەلەسىنە, تابيعي ارتۇرلىلىكتى ساقتاۋعا قوعام نازار اۋدارۋ, قورشاعان ورتانى قۇرمەتتەۋ يدەياسىن كەڭىنەن ناسيحاتتاۋدى كوزدەيدى.
بۇعان دەيىن قازاقستان پرەزيدەنتى قاسىم-جومارت توقاەۆ ەكولوگيالىق ءبىلىم بەرۋدىڭ, مەكتەپ قابىرعاسىنان باستاپ حالىقتى اعارتۋدىڭ ماڭىزدىلىعىن اتاپ وتكەن بولاتىن. وسىعان بايلانىستى, ەكولوگيا مينيسترلىگى قورشاعان ورتانى قۇرمەتتەۋ, جانۋارلارعا جاۋاپكەرشىلىكپەن قاراۋ سالالارىنداعى جاعدايدى جاقسارتۋ, سونداي-اق ۇلتتىق پاركتەردە ەكوتۋريزمدى دامىتۋ ءۇشىن قۇجاتتار پاكەتىن دايىنداۋدا.
وسى ماسەلەلەردى شەشۋ ءۇشىن مينيسترلىك ءتيىستى باس جوسپارلاردى ازىرلەدى, ولاردى حالىقپەن تالقىلاۋ بويىنشا جۇمىستار جۇرگىزىلۋدە. سونىمەن قاتار, قابىلداناتىن شەشىمدەردىڭ اشىقتىعىن قامتاماسىز ەتۋ ماقساتىندا ۇلتتىق پاركتەر جانىنان قوعامدىق كەڭەستەر قۇرىلدى.
