سوت ۇكىمىندە 37 جاستاعى جولاۋشىنىڭ ارەكەتى قحر سانيتارلىق-ەپيدەميولوگيالىق ەرەجەلەرىن بۇزىپ, ۆيرۋستىڭ تارالۋ قاۋپىن تۋدىرعان, وسىلايشا جۇقپالى اۋرۋلاردىڭ الدىن الۋ مەن ەمدەۋگە كەدەرگى كەلتىرەتىن قىلمىس جاسادى دەپ جازىلعان.
2020 جىلدىڭ ناۋرىز ايىندا 37 جاستاعى جولاۋشى ايەل اقش-تان قىتايعا حالىقارالىق رەيسكە شىقپاس بۇرىن ۆيرۋس بەلگىلەرىن, اتاپ ايتقاندا دەنە قىزۋىنىڭ جوعارى بولعانىن جاسىرۋ ءۇشىن قىزۋ تۇسىرەتىن ءدارى ىشكەن. بەيجىڭ حالىقارالىق اۋەجايىنا كەلگەننەن كەيىن ونىڭ كوروناۆيرۋس جۇقتىرعانى انىقتالدى جانە ونىمەن تىعىز بايلانىستا بولعان 60-تان استام ادام كارانتينگە جىبەرىلدى.
سوڭعى رەسمي مالىمەتكە سايكەس, قحر-دا كوروناۆيرۋسقا شالدىققانداردىڭ 92,72% ەمدەلگەن. 2019 جىلدىڭ جەلتوقسان ايىنان باستاپ اۋرۋ جۇقتىرعاندار سانى 89,2 مىڭنان استى, مەديتسينالىق مەكەمەلەردە كوروناۆيرۋس ينفەكتسياسى بار 1862 ادام جاتىر. سوڭعى 24 ساعات ىشىندە ەلدە ءبىر دە ءبىر ءولىم جاعدايى تىركەلمەگەن. ءولىم كورسەتكىشى - 5,19% (4636 ادام قايتىس بولعان).
