26 قاڭتاردا قىرعىزستاننىڭ ەكس-پرەمەر-ءمينيسترى جاۋاپ الۋعا شاقىرىلعانى, سودان كەيىن ونىڭ كۇدىككە ىلىنگەنى تۋرالى حابارلاما جىبەرىلگەنى ءمالىم. مۇحاممەدقالىي ابىلعازيەۆ قۇمتور كەن ورنىنا بايلانىستى ىستە تەرگەلىپ جاتىر.
دەرەكتەر بويىنشا, وتكەن جىلدىڭ سوڭىندا قارجى پوليتسياسى ابىلعازيەۆتىڭ ەلدەن كەتۋىنە تىيىم سالعان. ول جاۋاپ الۋعا شاقىرىلدى, بىراق قانداي ءىس بويىنشا ەكەنى حابارلانبادى. بۇعان دەيىن دە قارجى پوليتسياسى ابىلعازيەۆكە ەلدەن شىعۋعا تىيىم سالعان. ال ونداي ارەكەتكە بارسا, ۇستالاتىنى اتاپ وتىلگەن.
مۇحاممەدقالىي ابىلعازيەۆ قىرعىزستان پرەمەر-ءمينيسترى قىزمەتىن 2018 جىلدىڭ 20 ساۋىرىنەن 2020 جىلدىڭ 15 ماۋسىمىنا دەيىن اتقاردى. بۇعان دەيىن ول ەل پرەزيدەنتىنىڭ كەڭەسشىسى بولىپ جۇمىس ىستەگەن.
