پالاتا باسشىسى شاعىن جانە ورتا بيزنەس قىزمەتىنە جاسالعان تالداۋ, سونداي-اق كاسىپكەرلەرمەن وتكىزىلگەن كەزدەسۋلەر بارىسىندا ايماقتا شاعىن يندۋستريالىق ايماقتارعا دەگەن سۇرانىستىڭ جوعارى ەكەندىگى انىقتالعانىن ايتادى.
مۇنداي يندۋستريالدى ايماقتار «اتامەكەننىڭ» باستاماسىمەن تۇركىستان, الماتى, اقمولا, جامبىل وبلىستارى مەن الماتى قالاسىندا قۇرىلىپ, جۇمىستارىن باستاپ كەتكەن.
«جۇرگىزىلگەن زەرتتەۋلەر جەرگىلىكتى تاۋاروندىرۋشىلەردىڭ اراسىندا شاعىن يندۋستريالدى ايماق قۇرۋعا بولاتىن 3 الەۋەتتى سالانى انىقتادى. بۇل ىشكى نارىقتا سۇرانىسقا يە توقىما, تاماق ونىمدەرى مەن جيھاز ءوندىرىسى. ءونىمنىڭ وسى تۇرلەرىن وندىرۋگە قاتىساتىن ءبىزدىڭ وڭىرىمىزدەگى كاسىپكەرلەر جەتكىلىكتى تاجىريبە جيناقتادى. العاشقى ۋاقىتتا شاعىن يندۋستريالدى ايماقتى تىگىن ءوندىرىسى بويىنشا قۇرۋعا بولادى. قازىر وبلىستا 56 تىگىن تسەحى جۇمىس جاساۋدا», دەيدى پالاتا ديرەكتورى.
عالىمبەك جاقسىلىقوۆتىڭ ايتۋىنشا, شاعىن يندۋستريالدى ايماق قۇرۋ ارقىلى جاڭادان جۇمىس ورىندارىن كوپتەپ اشۋعا بولادى.
«بۇل ۇسىنىسىمىزدى قالا اكىمدىگى قولداپ وتىر. قالا باسشىلىعىمەن بىرگە وبلىس ورتالىعىنداعى بوس عيماراتتاردى ارالاپ كوردىك. قازىر اكىمدىك وكىلدەرى اتالمىش نىسانداردى يندۋستريالدى ايماققا اينالدىرۋ ءۇشىن قاجەتتى قارجى كولەمىن ەسەپتەۋدە. جاقىن كۇندەرى وبلىستىق بيۋدجەتتىك كوميسسياعا ۇسىنىس بەرەتىن بولادى», دەدى كاسىپكەرلەر پالاتاسىنىڭ باسشىسى.
