ايماقتار • 26 قاڭتار، 2021

شىمكەنت مال شارۋاشىلىعى سالاسىندا 14،6 مىڭ توننا ەت ءوندىرۋدى مەجەلەپ وتىر

28 رەت كورسەتىلدى

شىمكەنت قالاسىندا 2021 جىلى مال شارۋاشىلىعى، قۇس شارۋاشىلىعىن دامىتۋدا بىرقاتار جوبالار ىسكە اسىرىلادى. مال بورداقىلاۋ الاڭدارىنىڭ سانى ارتىپ، جۇمىرتقا ءوندىرۋ كولەمى ۇلعايادى دەپ كۇتىلۋدە، دەپ جازادى Egemen.kz

اتاپ ايتقاندا، «ابدۋكاريموۆ» جك 1000 باسقا ارنالعان مال بورداقىلاۋ الاڭىن سالىپ، 500 باسقا ارنالعان جىلقى بورداقىلاۋ جوباسىن جۇزەگە اسىرماق. جوبا قۇنى – 500 ملن تەڭگە. اشىلاتىن جۇمىس ورنى – 18.

«ناركۋلوۆ» جەكە كاسىپكەرلىگى جوبا قۇنى 185،0 ملن تەڭگەنى قۇرايتىن 500 باسقا ارنالعان مال بورداقىلاۋ جوباسىن ىسكە اسىرماق. «كورنو» - 1 وندىرىستىك كووپەراتيۆى 50 باسقا ارنالعان اسىل تۇقىمدى ءسۇت فەرماسىن قۇرۋدى جوسپارلاۋدا. جوبا قۇنى – 85،0 ملن تەڭگە.

سونداي-اق، «تاسساي قۇس» جشس 50 ملن داناعا دەيىن جۇمىرتقا (جوبا قۇنى 200 ملن تەڭگە)، «سۋلتانكۋلوۆ» جك 500 توننا برويلەر قۇس ەتىن ءوندىرۋ جوباسىن قولعا الماق.
جالپى 2021 جىلى 14،6 مىڭ توننا ەت، 47،4 مىڭ توننا ءسۇت، 165،0 ملن. دانا جۇمىرتقا ءوندىرۋ كۇتىلۋدە.

سوڭعى جاڭالىقتار

ۇقساس جاڭالىقتار