ءبىلىم • 26 قاڭتار، 2021

العاش رەت قازاقستاندىق ۋنيۆەرسيتەت CFA قاۋىمداستىعىنا قوسىلدى

27 رەت كورسەتىلدى

م.س.نارىكباەۆ اتىنداعى KAZGUU ۋنيۆەرسيتەتى ورتالىق ازيادا العاشقى بولىپ CFA قاۋىمداستىعىنا قوسىلدى جانە باكالاۆريات بويىنشا اتالعان ينستيتۋتتىڭ ارىپتەستىك باعدارلاماسىنا قاتىسۋشى اتاندى، دەپ حابارلايدى Egemen.kz

بۇل قازاقستاننىڭ جوعارى ءبىلىم بەرۋ تاريحىندا بۇرىن-سوڭدى بولماعان وقيعا.
ءبىلىم بەرۋ باعدارلاماسىنىڭ مازمۇنىن تەرەڭ تالداي كەلە، ينستيتۋت ساراپشىلارى KAZGUU-ءدىڭ «قارجى» باكالاۆرياتى باعدارلاماسى CFA Level 1 كاسىبي سەرتيفيكاتتاۋ مازمۇنىن 91%-عا جاباتىنىن اتاپ ءوتتى.

– قازاقستان حالقىنىڭ بەلگىلى ءبىر بولىگىندە جيناعان اقشاسى بار. بىراق ينۆەستيتسيالاۋدىڭ قۇرالدارى وتە از. كورىپ وتىرعانىمىزداي، ولار جىلجىمايتىن م ۇلىك نارىعىنا بەلسەندى تۇردە ينۆەستيتسيا سالۋدا. بۇل ارەكەتتەرى تۇرعىن ءۇي باعاسىنىڭ وسۋىنە الىپ كەلۋدە. سوندىقتان نارىققا ينۆەستيتسيالاۋ سالاسىندا ساۋاتتى جۇمىس ىستەي الاتىن بىلىكتى ماماندار قاجەت، دەيدى KAZGUU ەكونوميكا جوعارى مەكتەبىنىڭ ديرەكتورى ساۋلە كەمەلباەۆا.

ينستيتۋتتىڭ ارىپتەستىك باعدارلاماسى قاتىسۋشىلارى اراسىندا اقش، ۇلىبريتانيا، كانادا، قىتاي، اۋستراليا، گونكونگ جانە ەۋروپا مەن ازيانىڭ بىرقاتار ەلدەرىنىڭ بەدەلدى ۋنيۆەرسيتەتتەرى بار.

– CFA قارجى سالاسىنداعى ەڭ بەدەلدى سەرتيفيكاتسيا بولىپ تابىلادى. ويتكەنى اتالعان سەرتيفيكاتسياعا يە ادامدار الەمدە، اسىرەسە قازاقستاندا از. بۇل ۇلتتىق جانە حالىقارالىق كومپانيالارعا جۇمىسقا ورنالاسۋعا بىرەگەي مۇمكىندىك ۇسىناتىن وتە كۇردەلى جانە كەڭ قۇزىرەتتى سەرتيفيكاتتاۋ كومپانياسى. ولار ءبىزدىڭ ۇزدىك ستۋدەنتتەرىمىزگە سەرتيفيكات ەمتيحانىن تاپسىرۋى ءۇشىن جىل سايىن ستيپەنديا الۋ قۇقىعىن دا بەرىپ وتىر، دەيدى ساۋلە كەمەلباەۆا.

CFA Institute – 1963 جىلدان باستاپ جۇمىس ىستەيتىن ينۆەستيتسيا سالاسىنداعى كاسىپقويلاردىڭ جاھاندىق قاۋىمداستىعى. اتالعان باعدارلاما بۇكىل الەمدەگى قارجى تالداۋشىلارى مەن كونسۋلتانتتارىنىڭ جانە باسقا دا ينۆەستيتسيالىق مامانداردىڭ داعدىلارى، ادالدىعى مەن قۇزىرەتتىلىگىنىڭ ستاندارتتارىن بەلگىلەيدى. بۇل ينۆەستيتسيالاۋ سالاسىنداعى ەڭ قاتاڭ سەرتيفيكاتتاۋ باعدارلاماسى ەكەنىن ە ايتا كەتكەن ءجون.

سوڭعى جاڭالىقتار

ۇقساس جاڭالىقتار