24 قاڭتار كۇنى شاحتينسك قالاسىنداعى ءدامحانالاردىڭ بىرىندە قوناقتار اراسىندا جانجال تۋىنداعان. سالدارىنان 33-53 جاس ارالىعىنداعى قالانىڭ ءۇش تۇرعىنى وق جاراقاتىمەن اۋرۋحاناعا جاتقىزىلدى. اتالعان دەرەك بويىنشا قر قك-ءنىڭ 293-بابى 3-بولىگىمەن قىلمىستىق ءىس قوزعالدى.
«پوليتسيا قىزمەتكەرلەرى 28 جاستاعى قالا تۇرعىنىن ءىزىن سۋىتپاي ۇستادى. ول بۇزاقىلىق نيەتپەن تراۆماتيكالىق قارۋدان وق اتقانىن مويىندادى. ۇستالعان ازامات ۋاقىتشا ۇستاۋ اباقتىسىنا قامالدى. تەرگەۋ ءجۇرىپ جاتىر», دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
