ايماقتار • 26 قاڭتار، 2021

شىمكەنتتە «تازا قالا» ءىس-شاراسى جالعاسۋدا

14 رەت كورسەتىلدى

شىمكەنتتە «تازا قالا» ءىس-شاراسى اياسىندا پوليتسيامەن كەرى بايلانىس ارتۋدا، دەپ حابارلايدى Egemen.kz Polisia.kz سايتىنا سىلتەمە جاساپ.

شىمكەنت قالاسى پوليتسيا دەپارتامەنتى ءباسپاسوز قىزمەتىنىڭ قىزمەتكەرلەرى الەۋمەتتىك جەلىگە مونيتورينگ جۇرگىزۋ كەزىندە كاناليزاتسيا سۋىن كوشەگە شىعارىپ قويعان ازاماتتىڭ ءىس-ارەكەتىنە قاتىستى جازبانى انىقتادى. شىمكەنت قالاسى اباي اۋدانى تەلمان بولىمشەسى ەربول سپاتاەۆ كوشەسىندە تۇراتىن ازامات ءۇيىنىڭ كاناليزاتسيا سۋىن كوشەگە شىعارىپ قويعانى تۋرالى الەۋمەتتىك جەلىلەرگە اقپارات جاريالانعان بولاتىن.

ورىن العان جايتقا بايلانىستى اباي اۋدانى پوليتسيا باسقارماسىنىڭ №9 ۋچاسكەلىك پوليتسيا پۋنكتىنىڭ ۋچاسكەلىك پوليتسيا ينسپەكتورى نۋربول تورەقۇلوۆ ءمان-جايدى انىقتاۋعا كىرىسكەن. وقيعا ورنىنا اباي اۋداندىق اكىمشىلىك قىزمەتكەرلەرى مەن ەكولوگيا باسقارماسىنىڭ قىزمەتكەرلەرى شاقىرتىلعان.

قازىرگى تاڭدا اتالعان جايت بويىنشا ءتيىستى ءىس-قۇجاتتار جيناقتالىپ جاتىر. بارشاڭىزعا بەلگىلى، 2021 جىل قۇقىق بۇزۋشىلىقتاردىڭ الدىن الۋ جانە “جۇرتقا جاقىن پوليتسيا” قاعيداتىن قامتاماسىز ەتۋ جىلى بولىپ جاريالاندى. بۇل ورايدا حالىقتى قۇقىق بۇزۋشىلىقتاردىڭ الدىن الۋ پروتسەسىنە تارتۋدى كوزدەلگەن.

سوڭعى جاڭالىقتار

ۇقساس جاڭالىقتار