قوعام • 26 قاڭتار، 2021

مينيسترلىك ۆولونتەرلارعا توتەنشە جاعداي كەزىندەگى العاشقى داعدىلاردى ۇيرەتەدى

2 رەت كورسەتىلدى

توتەنشە جاعدايلار مينيسترلىگى مەن «ۇلتتىق ۆولونتەرلىك جەلىسى» زاڭدى تۇلعالار بىرلەستىگى اراسىنداعى ىنتىماقتاستىق تۋرالى مەموراندۋمعا قول قويىلدى. مەموراندۋم توتەنشە جاعدايلاردىڭ الدىن الۋ جانە ولاردىڭ سالدارىن جويۋ جونىندەگى بىرلەسكەن جۇمىستى ودان ءارى جالعاستىرۋعا وڭ اسەر ەتپەك.  بۇل تۋرالى تجم رەسمي وكىلى تالعات ءۋالي مالىمدەدى، دەپ حابارلايدى Egemen.kz.

تج مينيسترلىگى حالىققا جانە ازاماتتىق قورعاۋ سالاسىنداعى ماماندارعا حابار بەرۋ، ءبىلىمدى ناسيحاتتاۋ، وقىتۋ قاعيدالارىنا «ۆولونتەرلىك ۇيىمداردىڭ (توپتاردىڭ) باسشىلارى مەن ۇيلەستىرۋشىلەرى» قوسىمشا ساناتىن ەنگىزدى. وقىتۋ  2 جىلدا 1 رەت وتكىزىلەتىن بولادى. وقىتۋ وسى جىلى باستالدى.

ءىس-شارا بارىسىندا ۇلتتىق ۆولونتەرلىك جەلىسىنىڭ ديرەكتورى تاتيانا ميرونيۋك تابيعي جانە تەحنوگەندىك سيپاتتاعى تج تۋىنداعان كەزدە حالىققا كومەك كورسەتۋگە ءازىر ەكەندىكتەرىن جەتكىزدى.

ءوز  كەزەگىندە تج ءمينيسترى  يۋري يلين قاجەت بولعان جاعدايدا حالىقارالىق تاجىريبەنى ەسكەرە وتىرىپ، ازاماتتىق قورعاۋ سالاسىنداعى زاڭنامالىق اكتىلەرگە وزگەرىستەر ەنگىزۋگە دايىن ەكەندىگىن اتاپ ءوتتى.

توتەنشە جاعدايلار مينيسترلىگى ۇكىمەتتىك ەمەس جانە ۆولونتەرلىك ۇيىمدارمەن تىعىز قارىم-قاتىنىستا جۇمىس جۇرگىزۋدە.

بىرلەسكەن جۇمىستاردىڭ شەڭبەرىندە توتەنشە جاعدايلاردىڭ الدىن الۋ جانە ولاردىڭ سالدارىن جويۋ، ىزدەستىرۋ ءىس-شارالارى مەن زارداپ شەككەندەرگە العاشقى مەديتسينالىق جانە پسيحولوگيالىق كومەك كورسەتۋ بويىنشا اۋقىمدى شارالار اتقارىلدى.

ۇكىمەتتىك ەمەس جانە ۆولونتەرلىك ۇيىمدار جۇمىسىنىڭ تيىمدىلىگى الماتى قالاسىنداعى سەل اعىنى (2015 جىل)، اقمولا، اقتوبە، الماتى، شىعىس قازاقستان، باتىس قازاقستان، قاراعاندى، قوستاناي، پاۆلودار جانە سولتۇستىك قازاقستان وبلىستارىنداعى تاسقىن سۋلاردى (2016-2020 جىلدار) جويۋ كەزىندە بايقالدى.

زارداپ شەككەن ەلدى مەكەندەردە ۆولونتەرلەر وزەندەر مەن ارىقتاردى تازارتۋ، جىلى كيىم جيناۋ، ازىق-ت ۇلىك جەتكىزۋ مەن تاراتۋ، قۇرىلىس ماتەريالدارىن ساتىپ الۋ جانە ينجەنەرلىك قۇرىلىستار سالۋ بويىنشا كومەك كورسەتتى.

حالىقتىڭ تابيعي سيپاتتاعى توتەنشە جاعدايلار تۋرالى، سونداي-اق تج كەزىندەگى ءىس-قيمىلدار ءتارتىبى جونىندە حاباردار بولۋى ءۇشىن بەلسەندى جۇمىس جۇرگىزىلۋدە.

ءبىلىم بەرۋ ۇيىمدارىندا ۆولونتەرلەردىڭ قاتىسۋىمەن اشىق ساباقتار مەن ەكسكۋرسيالار وتكىزىلەدى. ۆولنتەرلەر مەكتەپتەر مەن بالاباقشالاردا وتكىزىلەتىن وقۋ-جاتتىعۋلارعا قاتىسادى.

2020 جىلى ءزىلزالالار قاۋىپ-قاتەرلەرىن ازايتۋ جانە توتەنشە جاعدايلاردىڭ سالدارىن جويۋ، ازاماتتاردى ىزدەۋ، قاۋىپسىزدىك شارالارى جانە تج تۋىنداعان كەزدە شۇعىل قىزمەتتەردى حابارلاۋ ماسەلەلەرى بويىنشا 326 وقىتۋ سەمينار مەن دوڭگەلەك ۇستەل وتكىزىلدى.

سوڭعى جاڭالىقتار

ۇقساس جاڭالىقتار