قوعام • 26 قاڭتار، 2021

قازاقستاندىق جولشىلار IRAP حالىقارالىق باعدارلاماسىنىڭ ساراپشىلارى اتاندى

4 رەت كورسەتىلدى

يدم اۆتوموبيل جولدارى كوميتەتىنە قارايتىن قازاقستان جول عىلىمي-زەرتتەۋ ينستيتۋتى، جول اكتيۆتەرىنىڭ ۇلتتىق ساپا ورتالىعى، «قازاۆتوجول» ۇك» اق، سونداي-اق، ل.ب.گونچاروۆ اتىنداعى قازاق اۆتوموبيل-جول اكادەمياسى جانە وبلىستىق، قالالىق اكىمدىكتەردەن 27 مامان العاش رەت IRAP حالىقارالىق باعدارلاماسىنىڭ تەحنيكالىق ساراپتاماسىنىڭ سەرتيفيكاتتارىن الدى، دەپ حابارلايدى Egemen.kz.

وسىلايشا، قازاقستاندىق جولشىلار وزدەرىنىڭ بىلىكتىلىگىن جولداردى باعالاۋدىڭ حالىقارالىق جۇيەسىنە بەيىمدەپ، كاسىبي دەڭگەيلەرىن الەمدىك تەندەنتسيالارعا سايكەس جوعارىلاتتى.

اتالعان سەرتيفيكات وتاندىق ماماندارعا حالىقارالىق باعدارلامالار بويىنشا جول قاۋىپسىزدىگىن باعالاۋعا تەحنيكالىق ساراپشى رەتىندە قاتىسۋعا مۇمكىندىك بەرىپ، وقىتۋ كەزىندە العان ءبىلىمنىڭ سايكەستىگىن راستايدى. سەرتيفيكاتقا يە ماماندار قازاقستاننىڭ بۇتكىل جول جەلىسىن قاۋىپسىزدىك دەڭگەيىنە سايكەستەندىرىپ 5 بالدىق جۇيە بويىنشا باعالاۋدا. ولار زەرتتەلگەن جول ۋچاسكەلەرىندەگى قاۋىپتى ايماقتاردى انىقتاپ، جول-كولىك وقيعالارى قاۋپىن بارىنشا ازايتۋ ءۇشىن ينۆەستيتسيالىق جوسپار جاسايدى. بۇگىنگە دەيىن ساراپشىلار حالىقارالىق كەڭەسشىلەرمەن بىرلەسىپ، ەلىمىزدەگى رەسپۋبليكالىق اۆتوموبيل جولدارى جەلىسىنىڭ 5 000 شاقىرىمىن جانە قالالىق جولداردىڭ 1 000 شاقىرىمىن زەرتتەدى. ال سوڭعى 6 جىلدا 137 مەملەكەتتەن 28 000 مامان وسىنداي سايكەستەندىرۋ سەرتيفكاتىن العان ەكەن.

ەسكە سالا كەتەيىك، IRAP جۇيەسىن ەنگىزۋ جونىندەگى جوبا دۇنيەجۇزىلىك بانكتىڭ قولداۋىمەن جانە قازاقستان رەسپۋبليكاسى يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنىڭ باستاماسىمەن جۇزەگە اسىرىلدى.

سوڭعى جاڭالىقتار

ۇقساس جاڭالىقتار