قازاقستان • 26 قاڭتار، 2021

قازاقستان قۇراماسى حالىقارالىق ءبىلىم وليمپياداسىنان التىن جۇلدە الدى

33 رەت كورسەتىلدى

قازاقستان قۇراماسى ورتا سىنىپ وقۋشىلارىنا ارنالان ەڭ بەدەلدى IMSO حالىقارالىق وليمپياداسىنان «التىن»، «كۇمىس» جانە ءۇش «قولا» جۇلدە الدى.

قازاقستان قۇراماسى ورتا سىنىپ وقۋشىلارىنا ارنالان ەڭ بەدەلدى International Mathematics and Science Olympiad (IMSO) حالىقارالىق وليمپياداسىنان بەس مەدال ۇتىپ الدى. قازاقستاندىق وقۋشىلاردىڭ قورجىنىندا ءبىر «التىن»، ءبىر «كۇمىس» جانە ءۇش «قولا» مەدال.

IMSO – 13 جاسقا دەيىنگى 4-8 سىنىپ وقۋشىلارىنا ارنالعان ماتەماتيكا مەن فيزيكا وليمپياداسى. بيىل جارىس 17-رەت ۇيىمداستىرىلىپ وتىر. وعان قىتاي، سينگاپۋر، ءۇندىستان، وڭتۇستىك كورەيا مەن ءباا سەكىلدى 15 ەلدەن 150 وقۋشى قاتىستى.  

شارانى ۇيىمداستىرۋشى ەل يندونەزيا. كورونوۆيرۋستىق شەكتەۋلەرگە بايلانىستى وليمپيادا ونلاين ءوتتى. قازاقستان قۇراماسىنا ەل ىشىندەگى ىرىكتەۋ جارىستارىندا ەڭ جاقسى كورسەتكىش كورسەتكەن 6 وقۋشى ەندى.

جۇلدەلى بولعان قازاقستانگدىق وقۋشىلار:

— «التىن»: ادي قۇرالوۆ | 6 سىنىپ | نۇر-سۇلتان |№ 75 مەكتەپ;

— «كۇمىس»: تيمۋر قيلىباەۆ | 5 سىنىپ | الماتى | № 165 ليتسەي;

— «قولا»:  باتىرحان بەيعانوۆ | 5 سىنىپ | الماتى | № 165 ليتسەي;

ارتۋر مۋراتوۆ | 6 سىنىپ | الماتى | № 90 ارنايى ليتسەي;

اليسا ابدۋلوۆا | سىنىپ | الماتى | رفمم.

«IMSO – ورتا مەكتەپتىڭ وقۋشىلارىنا ارنالعان ەڭ بەدەلدى حالىقارالىق وليمپيادا. وعان قاتىسۋدىڭ ءوزى ۇلكەن ابىروي. جىل سايىن قازىلار جارىسقا ارناپ اۆتورلىق تاپسىرمالار دايىندايدى. قازاقستاندىق وقۋشىلاردىڭ جەڭىسى ءبىز ءۇشىن ۇلكەن ماقتانىش. قۇرامامىز كەرەمەت ناتيجە كورسەتتى»، دەيدى قازاقستان اتىنان ۇيىمداستىرۋ كوميتەتىنىڭ جەتەكشىسى، «پيفاگور» ونلاين مەكتەبىنىڭ نەگىزىن قالاۋشى اسان جولداسوۆ.

سوڭعى جاڭالىقتار

ۇقساس جاڭالىقتار