الەم • 26 قاڭتار، 2021

بايدەن ترانسگەندەرلەرگە اسكەردە قىزمەت ەتۋگە رۇقسات بەردى

19 رەت كورسەتىلدى

اقش پرەزيدەنتى دجو بايدەن دونالد ترامپ ەنگىزگەن قارۋلى كۇشتەردىڭ ترانسگەندەرلىك قىزمەتكە قاتىستى تىيىم سالۋ تۋرالى ۇكىمىن جويدى، دەپ حابارلايدى Egemen.kz BBC.com سايتىنا سىلتەمە جاساپ.

«پرەزيدەنت بايدەن بۇگىن اقش-تىڭ قارۋلى كۇشتەرىندە قىزمەت ەتۋگە جارامدى كەز كەلگەن امەريكالىقتىڭ بۇعان قۇقىعى بار ەكەنىن راستايتىن جارلىققا قول قويدى»، دەدى اق ءۇيدىڭ ءباسپاسوز قىزمەتى.

حابارلامادا پرەزيدەنت بايدەن «ازاماتتىڭ نەمەسە ازاماتشانىڭ جىنىسى اسكەري قىزمەتكە كەدەرگى بولماۋى كەرەك جانە امەريكانىڭ كۇشى ونىڭ الۋانتۇرلىلىگىندە دەپ سانايدى»، دەلىنگەن.

2017 جىلى ترامپ ترانسگەندەرلەرگە جارامدى بولعان كۇننىڭ وزىندە امەريكا ارمياسىندا قىزمەت ەتۋگە تىيىم سالىنادى دەپ مالىمدەپ ەدى. ودان كەيىن، 2019 جىلى اقش قورعانىس مينيسترلىگى ترانسگەندەرلەردىڭ كوپشىلىگىنە امەريكا قارۋلى كۇشتەرىندە قىزمەت ەتۋگە تىيىم سالاتىن ديرەكتيۆاعا قول قويدى.

ەسكە سالا كەتەيىك، 2016 جىلى باراك وبامانىڭ بيلىگى تۇسىندا ترانسگەندەرلەردىڭ اسكەردەگى قىزمەتىنە رەسمي تۇردە رۇقسات ەتىلگەن بولاتىن.

 

ايدا ورالبەك

سوڭعى جاڭالىقتار

ۇقساس جاڭالىقتار