اسقار ءماميننىڭ ايتۋىنشا, «نۇرلى جول» مەملەكەتتىك باعدارلاماسى اياسىندا كولىك ينفراقۇرىلىمىن اۋقىمدى جاڭعىرتۋ جانە كولىك الەۋەتىن جۇزەگە اسىرۋ ماقساتىندا 6 مىڭ شاقىرىم جول سالىنىپ, قايتا جاڭارتىلادى. اقى الۋ جۇيەسى 5,8 شاقىرىم جولعا ەنگىزىلەدى. قازاقستاننىڭ كورشى ەلدەرمەن تەمىر جول لەگىن وتكىزۋ قابىلەتىن ارتتىرۋعا باعىتتالعان جۇمىستار جۇرگىزىلەدى.
«قازاقستان-قىتاي جانە قازاقستان-وزبەكستان باعىتتارى بويىنشا تەمىر جول لەگىن وتكىزۋ قابىلەتىن ارتتىرۋ جانە «تار ورىنداردى» الىپ تاستاۋ ءۇشىن دوستىق-مويىنتى, ماقتارال-داربازا جانە الماتى ستانساسىن اينالما ۋچاسكەلەرگە ارنالعان تەمىر جولداردى سالۋ جانە جاڭعىرتۋ جۇمىستارى باستالادى», دەدى پرەمەر-مينيستر ۇكىمەتتىڭ كەڭەيتىلگەن وتىرىسىندا.
