ونىڭ ايتۋىنشا رەسپۋبليكادا كوروناۆيرۋس جۇقتىرعان ازاماتتاردىڭ 40 پايىزى – وسى ءۇش وبلىستىڭ تۇرعىندارى.
«26 قاڭتارداعى ەپيدەميالىق احۋالدى باعالاۋ ماتريتساسىنا سايكەس قازاقستاننىڭ 6 وبلىسى مەن 2 قالاسى «قىزىل» ايماقتا تۇر. ولار: اقمولا, پاۆلودار, اتىراۋ, قوستاناي, سولتۇستىك قازاقستان, باتىس قازاقستان وبلىستارى مەن نۇر-سۇلتان جانە الماتى قالالارى», دەپ اتاپ ءوتتى دەنساۋلىق ءمينيسترى.
وسى ورايدا ول اقمولا, پاۆلودار, قوستاناي وبلىستارىندا ەپيدەميالىق احۋالدى جەتكىلىكتى دەڭگەيدە باقىلاۋ جۇرگىزىلىپ جاتپاعانىن اتاپ ءوتۋ كەرەكتىگىن العا تارتادى.
«وسىنىڭ سالدارىنان رەسپۋبليكادا كوروناۆيرۋس جۇقتىرعان ازاماتتاردىڭ 40 پايىزى – وسى وبلىستاردىڭ تۇرعىندارى. وسىعان بايلانىستى اتالعان وڭىرلەردىڭ اكىمدەرى ءتيىستى ءارى ءتيىمدى شەكتەۋ شارالارىن ەنگىزىپ, ونىڭ ساقتالۋىنا باسا ءمان بەرۋى كەرەك», دەدى الەكسەي تسوي.
