قىمباتتى اعايىن, مەنىڭ تاراپىما سىن دا ايتىلدى, تەرىس پىكىرلەر دە بولدى, مەن تۋرالى بىلمەستەن, جەكە باسىما ءوتىپ, اتا-اناما ءسوز تيگىزگەندەر دە تابىلدى, دەگەن دەپۋتات حالقىمىزدا «جۇيەلى ءسوز جۇيەسىن تابادى, جۇيەسىز ءسوز يەسىن تابادى» دەگەن ۇلاعاتتى ءسوز بار ەكەنىن ەسكە سالدى.
«بولام دەگەن بالانىڭ بەتىن قاقپا, بەلىن بۋ» دەپ مەنى قولداپ, اق جول تىلەپ, سەنىم ارتىپ جاتقان قولداۋشىلارىما مىڭ العىس. الداعى ۋاقىتتا قوعامداعى وزەكتى ماسەلەلەر مەن جاستاردىڭ جاعدايىن جاقسارتۋعا قاتىستى سۇراقتاردى كوتەرىپ, شەشىلۋىن قاداعالايمىن, دەدى احمەتوۆ.
سونداي-اق, دەپۋتات ء وزىنىڭ قالىپتاسۋىنا ۇلەس قوسقان, جۇمىس بابىمەن ارىپتەس بولعان, بەلسەندى قوعامدىق ءومىردى بىرلەسە وتكەرگەن ازاماتتارعا العىس ءبىلدىردى.
- الماتىدا كىندىك قانىم تامىپ, مەكتەپ شاعىمدى, ستۋدەنتتىك كەزەڭدى وتكىزىپ, ەڭبەك جولىمدى باستادىم. ەندىگى كەزەكتە قالامىزدىڭ كوركەيىپ, دامۋ جولىنداعى جۇمىسىن جالعاستىرامىن.توقسان اۋىز ءسوزدىڭ توبىقتاي ءتۇيىنى, ءبىر-ءبىرىمىزدىڭ پىكىرىمىزگە قۇلاق سالىپ, بىرلەسە جۇمىس ىستەيىك. ماقساتىمىز ورتاق, «يلەگەنىمىز ءبىر تەرىنىڭ پۇشپاعى», سوندىقتان سىزدەردىڭ تۇشىمدى ۇسىنىس-پىكىرلەرىڭىزگە ءاردايىم اشىقپىن, دەدى ەلىمىزدەگى ەڭ جاس ءماجىلىس دەپۋتاتى.
