«قازىر قىزىلوردا وبلىسى كۇردەلى كەزەڭدى باستان كەشىپ جاتىر. ءوڭىردىڭ نەگىزگى تابىسى مۇنايدان تۇسەتىنى بەلگىلى. بۇگىندە ونىڭ قورى تاۋسىلىپ, ءوندىرۋ كولەمى ازايىپ بارادى. سوعان قاراماستان العا جىلجۋىمىز كەرەك», دەدى پرەزيدەنت.
ونىڭ ايتۋىنشا, قىزىلوردا ءوڭىرىن قولداۋ ءۇشىن بىرىنشىدەن, جاڭا مۇناي-گاز كەنىشتەرىن بارلاپ, قازىرگى كەن ورىندارىنا زەرتتەۋ جۇرگىزۋ كەرەك. ەكىنشىدەن, ءوڭىردىڭ ەكونوميكاسىن ارتاراپتاندىرعان ابزال.
«شاعىن جانە ورتا بيزنەس پەن قىزسەت كورسەتۋ سالاسىن دامىتۋ وتە ماڭىزدى. بۇل مىندەتتەردى ورىنداۋعا ءوڭىردىڭ ءوز شاماسى جەتپەيدى. بيۋدجەتى جەتكىلىكسىز. سوندىقتان ۇكىمەتكە قىزىلوردا وبلىسىنا ناقتى قولداۋ كورسەتۋدى تاپسىرامىن», دەدى قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا.
