سپورت • 26 قاڭتار، 2021

بەيبىت شۇمەنوۆ الەم چەمپيونى اتاعى ءۇشىن تالاسپايتىن بولدى

92 رەت كورسەتىلدى

قازاقستاننىڭ ءبىرىنشى اۋىر سالماقتاعى WBA Regular چەمپيونى بەيبىت شۇمەنوۆ (18-2، 12 KO) 29 قاڭتاردا گولليۆۋدتاعى (فلوريدا شتاتى، اقش) Seminole Hard Rock Hotel &Casino ارەناسىندا امەريكالىق رافاەل مەرفيگە (14-1، 11 KO) قارسى جەكپە-جەكتە رينگكە ورالۋدى جوسپارلاعان بولاتىن، دەپ حابارلايدى Egemen.kz 

الايدا مەرفي The Ring باسىلىمىنا بەرگەن سۇحباتىندا ب.شۇمەنوۆتىڭ الداعى كەشتە وتەتىن جەكپە-جەككە قاتىسپايتىنىن ايتقان. مۇنداي شەشىمگە نە سەبەپ بولعانى ايتىلمادى.

رافاەل قازىر فلوريداداعى قوناقۇيدە جانە 29 قاڭتاردا رينگكە شىعۋى ءتيىس. الايدا ونىڭ ەندىگى قارسىلاسى كىم بولارى بەلگىسىز. ءبىر كەزدەرى بەدەلدى پروموۋتەر بولعان دون كينگ ۇيىمداستىراتىن شوۋدىڭ ءوزى دە بولماۋى مۇمكىن.

ويتكەنى قوناقۇي اكىمشىلىگى ءالى كۇنگە دەيىن الداعى وقيعا تۋرالى حاباردار بولماعان. ەستەرىڭىزگە سالا كەتەيىك، بەيبىت شۇمەنوۆ رينگكە 2018 جىلدىڭ شىلدە ايىنان باستاپ شىقپاعان. سول جىلى استانادا تۇركيالىق حيزني التۋنكايۋدى (32-3، 19 كو) نوكاۋتقا جىبەرگەن بولاتىن.

 

سوڭعى جاڭالىقتار

ۇقساس جاڭالىقتار