ايماقتار • 26 قاڭتار، 2021

الماتىدا اۆتوبۋس قاققان ايەل وقيعا ورنىندا مەرت بولدى

4 رەت كورسەتىلدى

الماتىدا 50 جاستاعى ايەلدى اۆتوبۋس قاعىپ كەتتى. ول وقيعا ورنىندا كوز جۇمدى، دەپ حابارلايدى Egemen.kz

ادام ولىمىنە اكەپ سوققان جول اپاتى بۇگىن 26 قاڭتار كۇنى تاڭەرتەڭ و.جاندوسوۆ پەن ءا.كەكىلباي ۇلى (كابلۋكوۆ) كوشەلەرىنىڭ قيىلىسىندا بولعان.

وقيعا ورنىنان تۇسىرىلگەن ۆيدەو الەۋمەتتىك جەلىدە جاريالاندى. الماتى قالالىق پوليتسيا دەپارتامەنتىنىڭ مالىمەتىنشە، جول اپاتى شامامەن ساعات 08.00-دە بولعان. لياز اۆتوبۋسىنىڭ 32 جاستاعى جۇرگىزۋشىسى و.جاندوسوۆ كوشەسىمەن شىعىس باعىتتا كەلە جاتىپ ءا. كەكىلباي ۇلى كوشەسىنىڭ قيىلىسىندا جولدى كەسىپ ءوتىپ بارا جاتقان 50 جاستاعى ايەلدى قاعىپ كەتتى.

«جاياۋ جۇرگىنشى اۋىر جاراقات الىپ، سول جەردە كوز جۇمدى. بۇل فاكتى قر قىلمىستىق كودەكسىنىڭ 345-بابى، 3-ءبولىمى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە ەنگىزىلدى»، دەدى الماتى قالالىق پد وكىلى ولجاس ءشارىپوۆ.

ونىڭ ايتۋىنشا، جاياۋ جۇرگىنشى جولدى رۇقسات ەتىلمەگەن جەردەن كەسىپ وتكەن. اپات بولعان جەردەن 300 مەتر قاشىقتىقتا جەر استى وتكەلى بولعان.



سوڭعى جاڭالىقتار

ورازانىڭ ءار ءساتى ساۋاپ

رۋحانيات • كەشە

ءسوزدىڭ جەتى بوياۋى

تانىم • كەشە

ۇقساس جاڭالىقتار