ءبىلىم • 26 قاڭتار، 2021

ۇلتتىق بىرىڭعاي تەستىلەۋ ەلەكتروندى فورماتقا كوشىرىلەدى

13 رەت كورسەتىلدى

ۇكىمەتتىڭ كەڭەيتىلگەن وتىرىسىندا پرەمەر-مينيستر اسقار مامين ۇلتتىق بىرىڭعاي تەستىلەۋدىڭ تولىعىمەن ەلەكتروندى فورماتقا كوشىرىلەتىنىن ايتتى، دەپ حابارلايدى Egemen.kz.

اسقار ءماميننىڭ ايتۋىنشا، ۇكىمەت باسەكەگە قابىلەتتى ادامي كاپيتالدى دامىتۋ بويىنشا جۇمىس ىستەيدى. ونى حالىقارالىق تاجىريبە نەگىزىندە بالالاردى ەرتە دامىتۋ جونىندەگى ۇلتتىق جوسپارعا ەنگىزبەك.

«مەكتەپكە دەيىنگى ءبىلىم بەرۋدىڭ جاڭا مودەلىن ەنگىزۋ جانە قوسىمشا ءبىلىم بەرۋدى جان باسىنا قارجىلاندىرۋ ارقىلى 3-6 جاس ارالىعىنداعى بالالاردى بالاباقشامەن قامتۋدى 99 پايىزعا جەتكىزۋدى جوسپارلاپ وتىرمىز، 400 جاڭا بالاباقشا اشىلادى»، دەدى ا. مامين.

ۇكىمەت باسشىسىنىڭ سوزىنە سۇيەنسەك، مەملەكەتتىك-جەكەشەلىك سەرىكتەستىك اياسىندا 180 مەكتەپ سالۋ جوسپارلانعان. ۇلتتىق بىرىڭعاي تەستىلەۋ تولىعىمەن ەلەكتروندى فورماتقا كوشىرىلەدى.

سوڭعى جاڭالىقتار

ۇقساس جاڭالىقتار