2021 جىلدىڭ 24 قاڭتارىندا قايتىس بولعان وقۋشىدا كوروناۆيرۋس ينفەكتسياسى انىقتالماعان.
«2010 جىلى تۋعان بالا. دەنەسىندە بورتپە پايدا بولىپ, اۋىرسىنۋ بولعان. باسىندا بالا ۇيىندە ەمدەلدى. اۋرۋحانادا تەكسەرىلگەننەن كەيىن بالانى جۇقپالى اۋرۋلار اۋرۋحاناسىنا جاتقىزدى. كوروناۆيرۋسقا سىناما الىندى, ناتيجەسى تەرىس. سوندىقتان 19 قاڭتاردا كوپسالالى بالالار اۋرۋحاناسىنا اۋىستىرعان. رەسپۋبليكالىق مامانداردان دا كەڭەس الىندى. وكىنىشكە قاراي, 24 قاڭتاردا وقۋشى قايتىس بولدى. نەگىزگى سەبەپ - جۇرەك, وكپە جەتكىلىكسىزدىگى. ءارى قاراي جۇمىس ىستەۋ ءۇشىن قوسىمشا كوميسسيا قۇرامىز», دەدى وبلىستىق دەنساۋلىق ساقتاۋ باسقارماسىنىڭ باسشىسى ءسابيت پازىلوۆ.
سايت مالىمەتىنە سۇيەنسەك, قازا تاپقان بالا قىزىلورداداعى وسيپەنكو اتىنداعى №8 مەكتەپتىڭ 4 سىنىپ وقۋشىسى ەكەن.
«بالا ءبىرىنشى وقۋ توقسانىنان باستاپ ونلاين-فورماتتا قاشىقتان ءبىلىم العان. بالانىڭ اكادەميالىق ۇلگەرىمىندە پروبلەمالار بولعان جوق. قاشىقتان وقىتۋعا بايلانىستى بالانى ەلەكتروندى تەحنيكامەن قامتاماسىز ەتىپ, پەداگوگتەر تاراپىنان كەرى بايلانىس جۇرگىزىلىپ وتىرعان», دەدى وبلىستىق ءبىلىم باسقارماسىنىڭ باسشىسى اقزيرا قاسىموۆا.
قازىرگى ۋاقىتتا وبلىس بويىنشا قاشىقتان 89 258 وقۋشى (53 پايىز), ءداستۇرلى تۇردە 80 636 وقۋشى (47 پايىز) ءبىلىم الىپ جاتار.
