«الەۋمەتتىك جەلىدە قازالى اۋدانىنىڭ اكىمى مەن اكىمدىك قىزمەتكەرلەرى توبەلەسكەنى تۋرالى اقپارات تارادى. بۇل جالعان اقپاراتتار. پوليتسيا باسقارماسىندا دا, اۋدان اكىمدىگىندە دە مۇنداي دەرەك تىركەلمەدى. سوندىقتان تەك رەسمي اقپاراتقا سەنۋگە شاقىرامىز», دەدى اكىمدىك وكىلدەرى.
بۇعان دەيىن الەۋمەتتىك جەلىدە 1 قاڭتاردا اۋدان اكىمى مەن باسقا دا اۋدان شەنەۋنىكتەرى وتىرىس جاساعانى تۋرالى حابار تاراعان. قوناقتار قازالى اۋدانىنىڭ اكىمدىك اپپاراتىنىڭ باسشىسى نۇرعيسا جالعاسباەۆتىڭ ۇيىندە جينالعان. جەلىدە تاراعان اقپاراتقا سايكەس, جيىنعا پيك بولىمشەسىنىڭ باسشىسى مۇرات ابسۇلتانوۆ, اۋدان اكىمىنىڭ كومەكشىسى مۇحتار نابيەۆ, اۋداندىق سايلاۋ كوميسسياسىنىڭ توراعاسى جانىپپار جالعاسباەۆ جانە باسقاسى كەلگەن.
سونىمەن قاتار, قوناقتار كەشكى اس الدىندا كارتا ويناۋعا بارعانى ايتىلعان, سول ۋاقىتتا اكىم ەرگەشباەۆ ماس كۇيدە ابسۇلتانوۆقا ءتىل تيگىزگەن. وسىدان كەيىن ەكەۋى توبەلەسىپ, پىشاقتاسقان. ارتىنشا قوناقتار پوليتسيا شاقىرعان, الايدا بۇل دەرەك تىركەلمەگەن.
