بارلىق COVID-19 قارسى ۆاكتسينانىڭ قۇرامى بىردەي مە؟

سونداي-اق، ول SARS-Cov-2 ۆيرۋسىنىڭ جوق ەكەندىگى، بۇل ۆيرۋسقا پاتەنت بەرىلگەنى تۋرالى تانىمال فەيكتەردى ايتادى. ونىڭ سوزىنشە، كونسپيرولوگتاردى الەۋمەتتىك جەلىلەردە جالعان اقپارات تاراتقانى ءۇشىن ەمەس، «كوروناۆيرۋس» ساۋدا ماركاسىن اتاعانى ءۇشىن بۇعاتتايدى.

بەينەروليكتىڭ اۆتورى – «زلوي ەكولوگ» You-Tube-ارناسىنىڭ جۇرگىزۋشىسى. ول وزگە عالامدىقتارمەن بايلانىس، مەتەوريتتەردىڭ قۇپيالارى جانە ساياسي قاستاندىقتار تۋرالى بەينەروليكتەر جاريالايدى. بۇل رەتتە ول اقپاراتتى «قۇپيا ينسايدەردەن» الاتىنىن حابارلادى، اۆتور ۆيدەولارىندا ونىڭ اتىن اتامايدى.

COVID-19 تاقىرىبىنا ارنالعان ۆيدەو يرلانديا بيلىگى Sars-CoV-2 ۆيرۋسىنىڭ جوق ەكەنىن مويىندادى دەگەن مالىمدەمەدەن باستالادى. ولاي ەمەس. بۇل مالىمدەمە جۋرناليست دجەمما و’دوەرتيدىڭ بايانداماسىنا نەگىزدەلگەن، وندا ول يرلانديانىڭ دەنساۋلىق ساقتاۋ دەپارتامەنتىنە ءوتىنىش جىبەرگەنىن جانە وعان ۆيرۋستىڭ جوق ەكەندىگى تۋرالى ناقتى جاۋاپ العانىن ايتادى. شىن مانىندە، ءجۋرناليستىڭ ءوتىنىشى SARS-CoV-2 ۆيرۋسى دا، COVID-19 اۋرۋى دا عىلىمي فاكت بولعاندىقتان قابىلدانعان جوق. 

ۆيرۋس گەنومى تولىعىمەن اشىلدى جانە 2020 جىلعى 10 قاڭتاردان باستاپ كوپشىلىككە قولجەتىمدى. ۆيرۋستىڭ گەنومىن ءبىرىنشى بولىپ قىتاي عالىمدارى سيپاتتاعان. 
2020 جىلعى ناۋرىزدا رەسەي ماماندارى دا اۋرۋدىڭ ديناميكاسىن جاقسى زەرتتەۋ ءۇشىن ۆيرۋستىڭ گەنومىن زەرتتەپ، اشتى دەگەن اقپارات تارادى. 

SARS-CoV-2 ۆيرۋسى تۋرالى تولىق مالىمەتتەر جانە ونىڭ سيپاتتاماسى ددسۇ سايتىندا دا بار. ءدال وسى مالىمەتتەردىڭ نەگىزىندە ۆاكتسينالار ازىرلەندى جانە ازىرلەنۋدە. عالىمدار ءارتۇرلى ءادىس-تاسىلدەردى قولدانۋدا. بۇگىنگى كۇنى قولدانىلىپ جاتقان پرەپاراتتاردىڭ پلاتفورمالارى ارتۇرلى. كەيبىرەۋلەرى ماتريتسالىق رنق نەگىزىندە جاسالسا، رەسەيلىك «سپۋتنيك-V» پرەپاراتى ادەنوۆيرۋس ۆەكتورىندا جاسالعان. كلينيكالىق نەمەسە كلينيكاعا دەيىنگى سىناقتاردان ءوتىپ جاتقان باسقا ۆاكتسينالار دا بەلسەندى ەمەس ۆيرۋس، دنق جانە باسقا پلاتفورمالاردىڭ كومەگىمەن ازىرلەنۋدە

ۆاكتسينالاردىڭ قۇرامىندا ليۋتسيفەرين بولاتىنى تۋرالى بۇعان دەيىن جازعان بولاتىنبىز. بۇل ميفتىك قاراڭعى كۇشتەردىڭ ءدارى-دارمەك جاساۋعا قاتىساتىنىنىڭ بەلگىسى بولىپ تابىلاتىن قورقىنىشتى اتاۋى بار قۇپيا كومپونەنت ەمەس. ليۋتسيفەرين – بيوليۋمينەستسەنتسياعا جاۋاپ بەرەتىن تابيعي كومپونەنت. ليۋتسيفەريندەر ساڭىراۋقۇلاقتاردا، جارىق قوڭىزدا، ۇلۋلار مەن قوڭىزداردا، كالمار مەن اسشايانداردا، سونداي-اق باسقا دا بالىقتار مەن جاندىكتەردە كەزدەسەدى.

ىندەتتىڭ قولدان جاسالعاندىعىن كورسەتەتىن ءارتۇرلى «كوروناۆيرۋستىق پاتەنتتەر» تۋرالى ەسەپتەر بىرنەشە رەت تەرىسكە شىعارىلدى، سونداي-اق، ۆيرۋس مۇلدەم جوق دەگەن العاشقى تەزيسكە تىكەلەي قايشى كەلەدى.

الەۋمەتتىك جەلىلەردە «كوروناۆيرۋس» «ساۋدا ماركاسىن» اتاعانى ءۇشىن بۇعاتتاۋ تۋرالى مالىمدەمە دۇرىس ەمەس. YouTube پلاتفورماسىن پايدالانۋ ەرەجەلەرىنە سايكەس، ەگەر روليكتىڭ اۆتورى ءوزىن باسقا ادام رەتىندە كورسەتسە، سپام، فەيك جاڭالىقتار مەن الاياقتىق حابارلامالار تاراتسا بۇعاتتالۋى مۇمكىن. سونداي-اق، كورىنەۋ جالعان اقپارات جاريالانعان نەمەسە پلاتفورمانى پايدالانۋ ەرەجەلەرىن بۇزاتىن مازمۇنعا يە پلاتفورمالارعا اپاراتىن سىلتەمەلەرمەن بولىسۋگە تىيىم سالىنادى. پايدالانۋ ەرەجەلەرىندە ساۋدا ماركالارىن اتاپ وتۋگە تىيىم سالىنباعان.

سونىمەن قاتار، جەلىدە «كوروناۆيرۋس»، COVID، Coronavirus جانە ت.ب. سوزدەرى بار ساۋدا بەلگىلەرى تىركەلگەنى تۋرالى مالىمەتتەر جوق. وسىنداي اتاۋى بار پاتەنتتەر بويىنشا بارلىق وتىنىمدەر قابىلدانباعان. رۋنەتتە «كوروناۆيرۋس» ساۋدا ماركاسىن تىركەۋگە ءوتىنىش بەرۋ تۋرالى جاڭالىق 2020 جىلعى 1 ساۋىردە جاريالانعان، وندا ەگجەي-تەگجەيلى ەشتەڭە جوق جانە ودان ءارى ەشقاشان ايتىلمادى.

قورىتا ايتقاندا، بەينەروليكتە ايتىلعان بارلىق مالىمدەمەلەر بۇعان دەيىن جانە بىرنەشە رەت تەرىسكە شىعارىلعان فەيكتەردىڭ جيىنتىعى بولىپ تابىلادى.