ايماقتار • 26 قاڭتار، 2021

ۇستەل تەننيسى ءۇمىتتى ۇكىلەيدى

5 رەت كورسەتىلدى

جاقىندا ەل چەمپيوناتىندا باتىس قازاقستان وبلىسىنىڭ ەرلەر كومانداسى التىن مەدالگە يە بولدى. ءوڭىر باسشىسى عالي ەسقاليەۆ بۇل سپورتتىڭ ودان ءارى دامۋىنا كوڭىل ءبولۋدى تاپسىردى.

وتكەن اپتادا قاراعاندى قالاسىندا جەكە-كوماندالىق قازاقستان رەسپۋبليكاسى چەمپيوناتى اياقتالدى. وسى سايىس­تا كوماندالىق بىرىنشىلىكتە باتىس قازاقستان وبلىسىنىڭ ەرلەر قۇراماسى التىن مەدالگە يە بولدى. ورالدىقتار فينالدا ۇستەل يەلەرىن 3:0 ەسەبىمەن جەڭىپ، العاش رەت ەل چەمپيونى اتاندى. ايەلدەر اراسىندا چەمپيوناتتىڭ كۇمىس مەدالىن دا باتىسقازاقستاندىق كوماندا جەڭىپ الدى. ەل چەمپيوناتىنان ۇلكەن جەڭىسپەن كەلگەن كوماندا سپورتشىلارىمەن باتىس قازاقستان وبلىسىنىڭ اكىمى عالي ەسقاليەۆ ارنايى كەزدەسىپ، وبلىس قۇراماسىنىڭ جاتتىعۋ بارىسىن تاماشالادى.

– مەن سىزدەردى وسى تاماشا جەتىستىكتەرىڭىزبەن قۇتتىق­تايمىن! وبلىس تاريحىندا العاش رەت ەرلەر قۇراماسى رەس­پۋبليكا چەمپيوناتىنىڭ التىنىن جەڭىپ الدى. وتكەن جىلى وبلىستىڭ ايەلدەر قۇراماسى چەمپيون اتاندى. ۇستەل تەننيسى دەنە قوزعالىسى بەلسەندىلىگىن ارتتىراتىن وتە قىزىقتى سپورت ءتۇرى. ول ەلىمىزدە جىلدان-جىلعا دامىپ كەلەدى. شىندىعىنا كەلسەك، ۇستەل تەننيسى – كەڭىنەن ناسيxاتتاۋعا لايىق سپورت ءتۇرى. ول ءۇشىن ۇستەل تەننيسىن ويناۋعا قىزىعاتىندار سانىن ارتتىرىپ، تەننيس ۇستەلدەرىن كوپتەپ ورنالاستىرۋ كەرەك. ول اسا قي­ىنعا سوقپاس، – دەدى وبلىس اكىمى.

بۇگىندە باتىس قازاقستان وبلىستىق ەرلەر كومانداسى قۇرامىندا اعايىندى ايدوس پەن داستان كەنجەعۇلوۆ، سانجار جۇبانوۆ، دامير مەلسوۆ، بولات نيەت­قاليەۆ سىندى سپورتشى­لار بار. قاراعاندىداعى سايىس­تا داستان مەن ايدوس جۇپ­تاسىپ ونەر كورسەتۋدەن – ءۇشىن­شى ورىن، قىزدار اراسىندا گۇل­چەحرا حۋسەينوۆا – ەكىنشى، السۋ ساپاروۆا – ءۇشىنشى ورىن السا، ارالاس جۇپتا ايدوس كەن­جەعۇلوۆ شىمكەنتتىك انەل باقىتپەن بىرگە ءبىرىنشى ورىندى جەڭىپ الدى. ال جەكپە-جەك سايىستا داستان – ەكىنشى، ايدوس – ءۇشىنشى، گۇلچەحرا مەن السۋ – ءۇشىنشى ورىننان كورىندى.

ايتا كەتەيىك، ورالدىق ەكى سپورتشى قازاقستان رەسپۋب­ليكاسى ۇلتتىق قۇراماسى ساپىندا. ولار قازىر حالىقارالىق جارىستارعا، اقپان-ناۋرىز ايلارىندا قاتاردا وتەتىن ازيا وليمپيادالىق ىرىكتەۋ تۋر­نيرىنە دايىندالۋدا.

كەزدەسۋدە وڭىردە ۇستەل تەن­نيسىن ودان ءارى دامىتۋ ءۇشىن ەڭ الدىمەن جايلى ءارى زاماناۋي قۇرالدارمەن جابدىقتالعان زال قاجەتتىگى دە اڭگىمە بولدى. ورال قالاسىندا تەننيس سارايى بولعانىمەن، ول ۇستەل تەننيسى زالىنا قويىلاتىن ەرەكشە تالاپتارعا ساي ەمەس ەكەن.

ءوڭىر باسشىسى سپورتشى­لار­دىڭ ۇسىنىس-پىكىرىن تىڭداپ، وب­لىستىق سپورت باسقارماسىنا زال بويىنشا ماسەلەنىڭ وڭتاي­لى شەشىمىن دايىنداۋدى تاپسىردى.

 

باتىس قازاقستان وبلىسى

 

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار