الەم • 25 قاڭتار، 2021

قاراقشىلار 15 تۇرىك تەڭىزشىسىن تۇتقىنعا الدى (ۆيدەو)

22 رەت كورسەتىلدى

تۇركيانىڭ اسكەري-تەڭىز باسقارماسى قارۋلى قاراقشىلار نيگەريا جاعالاۋىنىڭ گۆينەيا شىعاناعىندا تۇرىك جۇك كەمەسىنە شابۋىل جاساپ، 15 ەكيپاج مۇشەسىن تۇتقىندادى، دەپ حابارلايدى Egemen.kz

ليبەريا تۋىن ىلگەن Mozart جۇك كەمەسى سان-تومە قالاسىنان 181 شاقىرىم جەردە، لاگوستان كەيپتاۋنعا بەت العان. سول ماڭدا شابۋىلداۋشىلار 15 تەڭىزشىنى كەپىلگە العانى بەلگىلى بولدى. ال بىرەۋى قاراقشىلار قولىنان قازا تاپقان.

قايتىس بولعان ازامات ازەربايجان تۋماسى ەكەنى انىقتالدى، ال قالعان تەڭىزشىلەر تۇركيادان.

قازىرگە دەيىن كەمە كومانديرىمەن تۇركيا پرەزيدەنتى رەجەپ ەردوعان ەكى رەت بايلانىسقا شىققان. ول بۇل پروتسەستى مۇقيات قاداعالاپ وتىرعانىن جەتكىزدى. سونداي-اق ەردوعان ۇرلانعان كەمە ەكيپاجىن قۇتقارۋعا ارنايى شارالار قابىلداۋدى تاپسىردى.

قاراقشىلار كەمە جۇيەسىن ىستەن شىعارىپ، تەك پورتقا جول تابۋ ءۇشىن ناۆيگاتسيانى قالدىرعان. قازىرگى ۋاقىتتا كەمە دجەنتيل گابون پورتىنا بەت الدى.

حالىقارالىق تەڭىز بيۋروسىنىڭ مالىمەتى بويىنشا، نيگەريا، گۆينەيا، توگو، بەنين جانە كامەرۋن جاعالاۋىن الىپ جاتقان گۆينەيا شىعاناعى الەمدەگى قاراقشىلىق ەڭ كوپ بولاتىن قاۋىپتى تەڭىز ايماعى سانالادى.

سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار