18 قاڭتاردا قاراعاندى وبلىسى تەمىرتاۋ قالاسىنىڭ پب شىعىس پوليتسيا بولىمىنە 65 جاستاعى قالا تۇرعىنى جۇگىنگەن. زەينەتكەر ءۇيىنىڭ كىرەبەرىسىنە كىرگەن كەزدە وعان كەنەتتەن بەلگىسىز ەر ادام شابۋىل جاساعان. ول جابىرلەنۋشىنىڭ قولىنان 500 مىڭ تەڭگە سالىنعان ءاميانىن ج ۇلىپ الىپ, قاشىپ كەتكەن.
جابىرلەنۋشى كۇدىكتىنىڭ 40-45 جاس ارالىعىنداعى ەر ادام ەكەنىن ايتىپ, ونىڭ سىرت كەلبەتىن سيپاتتاپ بەرگەن.
«بۇل دەرەك بويىنشا قازاقستان رەسپۋبليكاسى قىلمىستىق كودەكسىنىڭ 191-بابى (توناۋ) بويىنشا قىلمىستىق ءىس قوزعالدى. 22 قاڭتاردا جەدەل-ىزدەستىرۋ ءىس-شارالارى بارىسىندا كريمينالدىق پوليتسيا قىزمەتكەرلەرى وسى قىلمىستى جاساۋعا كۇدىكتى رەتىندە 43 جاستاعى ەر ادامدى ۇستادى. ول كىناسىن مويىنداپ, ايعاق زاتتار الىندى», دەلىنگەن حابارلامادا.
