مينيسترلىك تۇقىم, ديزەل وتىنى مەن اۋىل شارۋاشىلىعى تەحنيكاسىن دايىنداۋ ماسەلەلەرىن پىسىقتاۋدا. وبلىس اكىمدىكتەرىمەن بىرلەسىپ ەگىس القاپتارىنىڭ بولجامدى قۇرىلىمىن ازىرلەۋدە جانە 2021 جىلعى كوكتەمگى ەگىس جۇمىستارىنا دايىندىقتى باقىلاۋدا ۇستاۋدا.
جەرگىلىكتى اتقارۋشى ورگانداردىڭ دەرەكتەرى بويىنشا, اعىمداعى جىلدىڭ 25 قاڭتارىندا قازاقستاندا 2,4 ملن توننا تۇقىم, ونىڭ ىشىندە 2 ملن تونناعا جۋىق ءداندى داقىلدار تۇقىمى, 80 مىڭ توننا مايلى, 22,2 مىڭ جەم-ءشوپ, 331,7 مىڭ كارتوپ تۇقىمى دايىن.
وسىلايشا, تۇقىمداردى دايىنداۋ دەڭگەيى 98%-دان استى.
2021 جىلعى ەگىس ناۋقانىنا وبلىس اكىمدىكتەرى 382 مىڭ تونناعا جۋىق ديزەل وتىنى قاجەتتىگىن مالىمدەگەن. بۇگىندە قر ەنەرگەتيكا مينيسترلىگىمەن بىرلەسىپ, ءار وبلىستى مۇناي وڭدەۋ زاۋتتارىنا بەكىتۋ كەستەسىنىڭ جوباسىن جانە ەگىس ناۋقانىنا ديزەل وتىنىنىڭ باعاسىن انىقتاۋ ماسەلەلەرى قاراستىرىلۋدا.
سونداي-اق, ەلىمىز بويىنشا اۋىل شارۋاشىلىعى تەحنيكاسى پاركىنىڭ قۇرامى مەن جاي-كۇيى تۋرالى وزەكتى ساندىق-ساپالىق مالىمەتتەردى جيناۋ جانە تالداۋ جۇرگىزىلۋدە.
