Blacklist.uralsk Instagram پاراقشاسىندا جازىلعانداي, وقيعا كەشە 5-شاعىناۋدان 7-ءۇي جانىندا بولعان. كۇندىز مۇز ارالاس قار كەسەگى ويناپ جۇرگەن بالالاردىڭ ۇستىنە قۇلاپ كەتكەن.
«قۇلاعان قار ورىندىقتا وتىرعان بالانىڭ ۇستىنە تۇسكەن. ونى جەدەل جاردەم الىپ كەتتى, ءتىرى, بىراق قوزعالا المايدى. قار سونداي-اق جولدا تۇرعان اۆتوكولىككە دە تيگەن. كۇن ءسال جىلىنسا, جىلدا وسىلاي, توبەدەن قار قۇلايدى. وسى ءۇي بالانسىنا كىرەتىن پيك توبەدەگى قاردى تازالاۋدى مىندەت دەپ سانامايدى. ساۋال كوپ: كىم تازالاۋى ءتيىس, قانداي مەملەكەتتىك ورگاندار باقىلايدى, قار ۇستامايتىن تايعاق توبەلەردى كىم قابىلداعان, مۇنداي قاۋىپتى شاتىرلاردى پايدالانۋعا رۇقسات بەرۋ ماسەلەسىن كىم قاداعالايدى؟ ارينە, بالالاردى قاراۋ كەرەك. الايدا كەز كەلگەن ادامعا كىرەبەرىسكە كىرەردە جانە شىعاردا قاۋىپتى» دەپ جازىلعان وندا.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ ناقتىلاۋىنشا, جەدەل جاردەم ساعات 16.35-تە 5-شاعىناۋدانداعى 5-ۇيگە شاقىرىلدى. ۇستىنە قار قۇلاعان بالا وبلىستىق كوپبەيىندى بالالار اۋرۋحاناسىنا جەتكىزىلدى, جاعدايى ورتاشادان اۋىر.
