«وكىنىشكە قاراي, سىزدەرگە COVID-19 جۇقتىرعانىمدى حابارلايمىن. سيمپتومدارى جەڭىل, قازىر ەمدەلىپ جاتىرمىن. ادەتتەگىدەي, مەن وپتيميستىك كوڭىل-كۇيدەمىن», - دەپ جازدى پرەزيدەنت Twitter پاراقشاسىندا. ەلدىڭ دەنساۋلىق ساقتاۋ مينيسترلىگىنىڭ ەپيدەميولوگيالىق جاعداي جونىندەگى باس ديرەكتورى حوسە لۋيس الوميا زەگاررا ونىڭ «ۇيدە وقشاۋلانعانىن» جانە پرەزيدەنتتە اۋرۋدىڭ جەڭىل بەلگىلەرى بار ەكەنىن ايتتى. ىشكى ىستەر ءمينيسترى ولگا سانچەس كوردەرو پرەزيدەنتتىڭ اتىنان ادەتتە ەكى ساعات بويى ءۇزىلىسسىز سويلەيتىن كۇندەلىكتى ءباسپاسوز كونفەرەنتسياسىنا قاتىسادى. ەلدە COVID-19-دان 150 مىڭعا جۋىق ءولىم جانە 1,7 ميلليوننان استام اۋرۋ جۇقتىرۋ جاعدايى تىركەلگەن. وتكەن اپتادا ەلدە كوروناۆيرۋسقا شالدىعۋ مەن ءولىم جاعدايلارىنىڭ ەڭ جوعارى دەڭگەيى تىركەلدى.
