ەكونوميكا • 25 قاڭتار، 2021

ۇلتتىق بانك 2021-2022 جىلدارعا ارنالعان زەرتتەۋ باعدارلاماسىن ازىرلەدى

7 رەت كورسەتىلدى

قر ۇلتتىق بانكى 2021-2022 جىلدارعا ارنالعان زەرتتەۋ باعدارلاماسىن ازىرلەدى، دەپ حابارلايدى ەgemen.kz

 

باعدارلاما ۇلتتىق بانكتىڭ ستراتەگيالىق جانە ورتامەرزىمدى زەرتتەۋ مىندەتتەرىن انىقتاپ، ۇيىمنىڭ سول مىندەت اياسىندا باعا مەن قارجى تۇراقتىلىعىن قامتاماسىز ەتۋ مانداتىن ايقىندايدى.

وسى ماقساتتارعا تۇراقتى قول جەتكىزۋ ءۇشىن ەكونوميكالىق ورتانى قالىپتاستىراتىن كوپتەگەن فاكتورلاردى، ءوزارا اسەر ەتۋ ارنالارىن جانە قازاقستان ەكونوميكاسى الدىندا تۇرعان مىندەتتەردى دۇرىس ءتۇسىنۋدى تالاپ ەتەدى.

قۇجاتتا بەس نەگىزگى ءبولىم بار: «اقشا-كرەديت ساياساتىنىڭ جولدارى مەن ماكروەكونوميكالىق ۇيلەستىرۋ»، «ماكروەكونوميكالىق ساياساتتىق ساراپتاما جۇرگىزۋ تاسىلدەرى»، «قارجى جانە ساباقتاس نارىقتاردىڭ وتىمدىگى مەن باعا قالىپتاستىرۋ»، «قارجى قاتىناستارىن رەتتەۋ مەن دامىتۋ»، «تولەم جۇيەسىنىڭ بولاشاعى».

ءار ءبولىم بويىنشا جان-جاقتى زەرتتەۋدى قاجەت ەتەتىن ستراتەگيالىق باعىتتار قالىپتاسىپ، ۇلتتىق بانكتىڭ قىزمەتى ءۇشىن 2021 جىلعا ارنالعان زەرتتەۋدىڭ ەڭ باسىم باعىتتارى انىقتالدى.

بۇل قۇجات ۇلتتىق بانكتىڭ قوعامعا اقپارات بەرۋ دەڭگەيىن جاقسارتىپ، قوعامدىق ديسكۋرس دەڭگەيىن كۇشەيتۋگە، كونسترۋكتيۆتى اقپاراتتىق-ساراپتامالىق ورتا قالىپتاستىرۋعا جانە ەكونوميكالىق ساياساتتىڭ ەڭ وزەكتى ماسەلەلەرىنە جاۋاپ ىزدەۋ ءۇشىن اكادەميالىق قاۋىمداستىقتىڭ عىلىمي الەۋەتىن باعىتتاۋعا مۇمكىندىك بەرەدى.

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار