قازاقستان • 25 قاڭتار، 2021

قازاقستاندا ەكى كۇندە قار قۇرساۋىنان 64 ادام قۇتقارىلدى

4 رەت كورسەتىلدى

​2021 جىلدىڭ 23-24 قاڭتار كۇندەرى الماتى، شىعىس قازاقستان، قاراعاندى، قىزىلوردا، تۇركىستان وبلىستارىنداعى وبلىستىق جانە رەسپۋبليكالىق ماڭىزى بار اۆتوجولداردا قار قۇرساۋىنان 64 ادام (ونىڭ ىشىندە 8 بالا) قۇتقارىلدى، 37 جەڭىل جانە جۇك اۆتوماشيناسى شىعارىلدى. بۇل تۋرالى قر تجم رەسمي وكىلى تالعات ءۋالي مالىمدەدى.

اۆاريالىق-قۇتقارۋ جۇمىستارىن جۇرگىزۋگە تج دەپارتامەنتتەرىنىڭ، رەسپۋبليكالىق جەدەل-قۇتقارۋ جاساعىنىڭ، جەرگىلىكتى اتقارۋشى ورگانداردىڭ كۇشتەرىمەن قۇرالدارى جۇمىلدىرىلدى. سونىمەن قاتار، الماتى وبلىسىندا 2 ىزدەستىرۋ-قۇتقارۋ جۇمىسى جۇرگىزىلىپ، 3 ادام قۇتقارىلدى. 23 قاڭتار كۇنى كۇندىز الاكول اۋدانىندا، قابانباياۋىلىنان 50 شاقىرىم جەردە تجد كۇشى 1975 جىلىتۋعان ادامدى ىزدەستىرۋ جۇمىستارى جۇرگىزىلدى، ول 22 قاڭتاردا «كاپسالياموۆا» شارۋا قوجالىعىنا «گاز-53»اۆتوكولىگىمەن مال قاراۋعا شىعىپ، ورالماعان.

كەشكىسىنتجد ىزدەۋ توبى «كاپسالياموۆا» شق اۋماعىنان تابىلىپ، قابانباي اۋىلىنا جەتكىزىلدى. سونىمەن قاتار، 22 قاڭتار كۇنى كەشكە اقسۋ اۋدانى ۇلگىلى اۋىلىنىڭماڭىندا مال جايىپ ءجۇرىپ، جوعالىپ كەتكەن 1959 جىلىتۋعان باقتاشىنى ىزدەدى. 23 قاڭتار كۇنى تاڭەرتەڭ تجد ىزدەۋ توبى اۋىلدان 8 شاقىرىم جەردە باقتاشىتابىلىپ، قۇتقارىلىپ، «ادىلەت» شارۋا قوجالىعىناجەتكىزىلدى. جالپى، 2020-2021 جىلدارداعى قىسقى كەزەڭنىڭ باسىنان بەرى ەل تۇرعىندارىنا «112» تەلەفون ءنومىرى بويىنشا 2 040 سمس-حابارلاما، «دارمەن» ءموبيلدى قوسىمشاسى ارقىلى 678 حابارلاما جىبەرىلدى. ەلىمىزدە 651 رەت داۋىلدى ەسكەرتۋ جاريالاندى.

ەلىمىزدەگى رەسپۋبليكالىق ماڭىزى بار اۆتوجولدار 28 رەت جابىلىپ، 34 رەت شەتەۋ قويىلدى. الايدا، وسى ەسكەرتۋلەرگە قاراماستان، ادامدار جولعا شىعىپ، قار قۇرساۋىندا قالعان جاعدايلار بولدى. وسىلايشا، قار قۇرساۋىنان 204 ادام، ونىڭ ىشىندە 14بالا قۇتقارىلدى. 186 ادام، ونىڭ ىشىندە 5 بالا ەۆاكۋاتسيالاندى. قۇتقارۋشىلار قار قۇرساۋىنان 57 اۆتوكولىكتى شىعاردى.

سوڭعى جاڭالىقتار

ۇقساس جاڭالىقتار