سەمەيگە جاڭا اكىم تاعايىندالدى

تاعايىنداۋ • 25 قاڭتار، 2021

سەمەيگە جاڭا اكىم تاعايىندالدى

71 رەت كورسەتىلدى

وبلىس اكىمى دانيال احمەتوۆتىڭ وكىمىمەن سەمەيگە جاڭا اكىم تاعايىندالدى. بۇگىن قالالىق ءماسليحاتتىڭ كەزەكتەن تىس ءىى سەسسياسىندا دەپۋتاتتار كوپشىلىك داۋىسپەن نۇرىمبەت ساقتاعانوۆتىڭ كانديداتۋراسىن قولدادى دەپ حابارلايدى Egemen.kz.

مەرەي قاينار ۇلى

ايتا كەتەيىك، ول بۇعان دەيىن ۇلان اۋدانىنىڭ اكىمى قىزمەتىن اتقارعان.

جاڭا قالا باسشىسىن اكتيۆكە دانيال احمەتوۆ تانىستىردى. ءوڭىر باسشىسى بۇرىنعى اكىم ەرماك سالىموۆكە جۇمىسى ءۇشىن العىس ايتىپ، ودان ءارى وبلىس اكىمىنىڭ تۇرعىن ءۇي-قۇرىلىس ماسەلەلەرى جونىندەگى كەڭەسشىسى بولاتىنىن اتاپ ءوتتى.

نۇرىمبەت امان ۇلى 1970 جىلى 6 تامىزدا وڭتۇستىك قازاقستان وبلىسىندا دۇنيەگە كەلگەن.
قىزىلوردا پەداگوگيكالىق ينستيتۋتىن، قىزىلوردا اگرارلىق-تەحنيكالىق كوللەدجىن، مەسا ديستانتسيالىق ءبىلىم بەرۋ ينستيتۋتىن، مەسا قىزىلوردا ەكونوميكا، ستاتيستيكا جانە اقپارات ينستيتۋتىن، س. امانجولوۆ اتىنداعى شىعىس قازاقستان مەملەكەتتىك ينستيتۋتىن مۇعالىم، زاڭگەر، ەكونوميكا جانە بيزنەس ماماندىقتارى بويىنشا تامامداعان.

ەڭبەك قىزمەتىن 1992 جىلى قىزىلورداداعى № 172 ورتا مەكتەبىندە مۇعالىم بولىپ باستاعان. 1993-1994 جىلدارى قر قك قاتارىندا بولىپ، اسكەردەن كەيىن قىزىلورداداعى № 9 ورتا مەكتەپتە جۇمىسىن جالعاستىردى. 1995-2001 جىلدارى قىزىلوردا وبلىسى بويىنشا كەدەن باسقارماسىنىڭ ينسپەكتورى، اعا ينسپەكتورى، باس ينسپەكتورى، ءبولىم باستىعى، ءبولىم باستىعىنىڭ ورىنباسارى بولىپ جۇمىس ىستەدى. 2001-2006 جىلدارى - قر مەملەكەتتىك كىرىس مينيسترلىگى كەدەن كوميتەتىندە باس ينسپەكتور، توراعانىڭ كومەكشىسى، ءبولىم باستىعى بولدى. 2006-2007 جىلدارى - قر پارلامەنتىندەگى ۇكىمەت وكىلدىگىنىڭ باس ينسپەكتورى، قر ەكونوميكا جانە بيۋدجەتتىك جوسپارلاۋ مينيسترلىگىندە ءبولىم باستىعى، ءمينيستردىڭ كەڭەسشىسى قىزمەتىن اتقاردى.
2007-2010 جىلدارى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ كوشى-قون كوميتەتى توراعاسىنىڭ ورىنباسارى بولدى. 2010-2012 جىلدارى قر پرەزيدەنتى اكىمشىلىگىنىڭ مەملەكەتتىك ينسپەكتورى. 2012-2015 جىلدارى شقو اكىمىنىڭ ورىنباسارى قىزمەتىن اتقاردى. 2015-2018 جىلدارى شقو اكىمىنىڭ ءبىرىنشى ورىنباسارى بولدى. 2018 جىلدان بۇگىنگە دەيىن ۇلان اۋدانى اكىمى قىزمەتىن اتقاردى.
ايتا كەتەيىك، جاڭا اكىم جەتى بالا تاربيەلەپ وتىرعان كوپبالالى اكە.