الەم • 25 قاڭتار، 2021

يزرايل ءابۋ-دابيدە ءوز ەلشىلىگىن اشتى

6 رەت كورسەتىلدى

بىرىككەن اراب امىرلىكتەرىنىڭ استاناسىندا يزرايل ەلشىلىگى اشىلدى. بۇل - وتكەن جىلى ەلدەر اراسىنداعى قارىم-قاتىناستى تولىق قالپىنا كەلتىرۋ تۋرالى كەلىسىمنىڭ ناتيجەسى، دەپ حابارلايدى Egemen.kz

24 قاڭتاردا ابۋ-دابيدە يزرايل ەلشىلىگى ءباا-گە ديپلوماتيالىق ميسسيانىڭ باسشىسى ەيتان ناەنىڭ كەلۋىمەن قاتار اشىلدى، دەپ حابارلادى يزرايل سىرتقى ىستەر مينيسترلىگى.

مالىمدەمەدە اتاپ كورسەتىلگەندەي، ء«يزرايلدىڭ بىرىككەن اراب امىرلىكتەرىندەگى ەلشىلىگى ەلدەر اراسىنداعى بايلانىستىڭ دامۋىنا ىقپال ەتەدى»، دەيدى  ءيزرايلدىڭ تۇركياداعى بۇرىنعى ەلشىسى ەيتان ناە. ديپلومات ءباا-دە ۋاقىتشا سەنىمدى ۋاكىل مارتەبەسىنە يە بولادى.

سونداي-اق 24 قاڭتاردا امىرلىكتەردىڭ بيلىگى تەل-اۆيۆتە ەلشىلىك اشۋعا رۇقسات بەرگەن بولاتىن. ءبىر اپتا بۇرىن يزرايل پرەمەر-ءمينيسترى بينيامين ناتانياحۋدىڭ اقپان ايىندا بىرىككەن اراب امىرلىكتەرىنە باراتىنى بەلگىلى بولدى. يزرايل ۇكىمەتى باسشىسىنىڭ ساپارى ەلدەر اراسىنداعى قاتىناستاردى قالىپقا كەلتىرۋ تۋرالى كەلىسىمدەرگە قول قويىلعاننان كەيىنگى العاشقى ساپار بولماق.



سوڭعى جاڭالىقتار

ۇقساس جاڭالىقتار