ايماقتار • 25 قاڭتار، 2021

ورالدا جوعالىپ كەتكەن بالا كورشىسىنىڭ ۇيىنەن تابىلدى

13 رەت كورسەتىلدى

ورال قالاسىندا جوعالىپ كەتكەن جەتى جاسار بالا تابىلدى، دەپ حابارلايدى Egemen.kz

بقو پوليتسيا دەپارتامەنتىنىڭ ءباسپاسوز قىزمەتى ءمالىم ەتكەنىندەي، وقيعا 24 قاڭتار كۇنى ەسكى اۋەجاي اۋدانىندا ورىن الىپتى. جەتى جاسار بالا شامامەن ساعات 14.00-دە ۇيىنەن شىعىپ كەتكەننەن قايتا ورالماعان. ۇلكەن ۇلى كىشكەنتايىنان ءوزى دەربەس ءجۇرىپ ۇيرەنگەندىكتەن، اناسى كۇدىكتەنە قويماپتى. تەك كەش ءتۇسىپ، بالاسى كەلمەگەننەن كەيىن ساعات 19.23-تە پوليتسياعا شاعىمدانعان. ايەل ۇلىن ءوزى ىزدەۋگە مۇمكىندىگى بولماعان. ويتكەنى جولداسى ۇزاق ۋاقىت بويى ۆاحتالىق ادىسپەن جۇمىس ىستەيتىندىكتەن، 32 جاستاعى ايەل ءۇش بالاسىنا كوبىنە ءوزى باس-كوز بولىپ كەلىپتى. پوليتسياعا شاعىم تۇسكەن بويدا يۋۆەنالدى پوليتسيا بولىمشەسىنىڭ جەكە قۇرامى اياعىنان تىك تۇردى.

بقو پوليتسيا دەپارتامەنتىنىڭ بارلىق بولىمشەلەرىنە، ەرىكتىلەرگە باعىت بەرىلدى. ىزدەستىرۋ شارالارى بارىسىندا يۋۆەنالدى پوليتسيا بولىمشەسىنىڭ ينسپەكتورى، پوليتسيا كاپيتانى سامات سپاشەۆ ءبىر ساعاتتاي ۋاقىت وتكەن سوڭ جوعالعان بالانىڭ قايدا جۇرگەنىن انىقتادى.

ماسەلەنىڭ ءمانىسى بىلاي بولىپ شىقتى. اتالعان وتباسى ەسكى اۋەجاي اۋدانىندا جەكە ءۇي جالداعانىنا كوپ بولماعان. سوندىقتان كورشىلەرىمەن تانىسىپ ۇلگەرمەگەن. ال ۇلدارى ولاردىڭ بالالارىمەن ارالاسىپ جۇرگەندىكتەن، سول سەبەپتى اتا-انالارى جوق كەزدە ۇيلەرىنە شاقىرعان.

بالا كورشىلەردىڭ ۇيىندە كۇنى بويى ويناعان. پوليتسيا قىزمەتكەرى تابىلعان بالانى اناسىنىڭ قولىنا تاپسىردى.



سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار