ايماقتار • 23 قاڭتار، 2021

باقىتجان ساعىنتاەۆ دەپۋتاتتارمەن بىرگە مەگاپوليستىڭ ينفراقۇرىلىمدىق دامۋ جوسپارىن تالقىلادى

24 رەت كورسەتىلدى

الماتىدان پارتيالىق تىزىمگە ەنگەن VII شاقىرىلىمداعى پارلامەنت ءماجىلىسىنىڭ ءبىر توپ دەپۋتاتتارىمەن كەزدەسۋدە الماتىلىقتاردىڭ ءومىر ءسۇرۋ ساپاسىن جاقسارتۋعا باعىتتالعان ينفراقۇرىلىمدىق جوبالاردى ىسكە اسىرۋ ماسەلەسى قارالدى، دەپ حابارلايدى Egemen.kz.

قالا اكىمى باقىتجان ساعىنتاەۆ دەپۋتاتتاردى VII شاقىرىلىمداعى پارلامەنت ماجىلىسىنە سايلانۋىمەن قۇتتىقتاپ، قالالىقتاردىڭ وتىنىشتەرىن شەشۋ ءۇشىن سايلاۋ الدىنداعى ۋادەلەردى ورىنداۋ بويىنشا بىرلەسىپ جۇمىس ىستەۋگە شاقىردى.

ب. ساعىنتاەۆ دەپۋتاتتاردى «الماتى-2025 دامۋ باعدارلاماسىنىڭ» نەگىزگى ەرەجەلەرىمەن جانە «جاڭا الماتى» كەشەندى دامۋ جوسپارىمەن تانىستىردى. وسى قۇجاتتارعا سايكەس قالا تۇرعىندارىنىڭ 99،3%-ىن اۋىز سۋمەن قامتاماسىز ەتۋ، ءبىلىم بەرۋ جانە دەنساۋلىق ساقتاۋ نىساندارىن سالۋ، سونداي-اق جول-كولىك ينفراقۇرىلىمىن جاقسارتۋ، جالعا بەرىلەتىن جانە نەسيەلىك تۇرعىن ۇيلەر سالۋ قاراستىرىلعان.

سونىمەن قاتار ولار قورشاعان ورتانى جاقسارتۋ، تاريحي ورتالىقتا قۇرىلىس جۇرگىزۋگە شەكتەۋ قويۋ، مەكتەپكە دەيىنگى جانە قوسىمشا بىلىممەن قامتۋدى كەڭەيتۋ ماسەلەلەرىن تالقىلادى. ءماجىلىس دەپۋتاتتارى قالاعا قوسىلعان اۋماقتاردا ءومىر ءسۇرۋدىڭ جاعدايى مەن ساپاسىن جاقسارتۋ جونىندەگى الماتى اكىمدىگىنىڭ باستامالارىن قولدايتىندىقتارىن ءبىلدىردى.

ەسكە سالساق، VII شاقىرىلىمداعى پارلامەنت ماجىلىسىنە سايلاۋ قورىتىندىلارى بويىنشا Nur Otan پارتياسىنان - 76، «اق جولدان» - 12، قحپ-دان 10 جانە قحا-دان 9 دەپۋتات سايلاندى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار