الماتى ونكولوگيالىق ورتالىعىنىڭ ونكوگينەكولوگيا ءبولىمىنىڭ مەڭگەرۋشىسى رايحان بولاتبەكوۆا اتاپ وتكەندەي, ءاربىر ايەلدە جاتىر موينى وبىرىنىڭ پايدا بولۋ قاۋپى بار. جاتىر موينى وبىرى ايەلدەر اراسىندا تارالۋى جاعىنان ءتورتىنشى ورىندا تۇر. تەك وتكەن 2020 جىلدىڭ وزىندە الماتى قالاسىندا 145 جاڭا جاعداي تىركەلگەن. كوبىنەسە اۋرۋ 30 جاستان اسقان ايەلدەردە انىقتالادى.
«ايەل جاتىر موينى وبىرىنىڭ ەرتە ساتىسىندا الدىن الۋ جانە انىقتاۋ ءۇشىن ۇنەمى تەكسەرۋدەن, سكرينينگتەن ءوتۋى كەرەك, سوندا ونىڭ ەمى الدەقايدا جەڭىل بولادى, سونداي-اق ۋاقتىلى قارالۋ كەزىندە 100% تولىق ەمدەلۋ مۇمكىندىگى بار», - دەيدى مامان.
اشىق ەسىك كۇنى بارىسىندا ايەلدەر مامانداردىڭ تەگىن كەڭەسىن الىپ, ونكوگينەكولوگتان تەكسەرىلە الادى.
پروفيلاكتيكالىق تەكسەرۋ جۇرگىزۋ ۋاقىتى مەن ورنى الماتى قالاسى, پاپانين كوشەسى, 220, ا ليتەرى, «الماتى ونكولوگيالىق ورتالىعى» شجق كمك 1 قاباتىندا وتەدى.
اشىق ەسىك كۇنىن وتكىزۋگە قاتىستى بارلىق سۇراقتار بويىنشا مىنا تەلەفوندارعا حابارلاسۋعا بولادى: +7 701 222 12 93, +7 707 497 44 14.
