ات-كەڭەسىنە قاتىسۋشىلار 2020 جىلى اتقارىلعان جۇمىستاردى قورىتىندىلاي كەلە ات-كاسىپكەرلىكتى قولداۋ, ات- قىزمەتتەرىن تسيفرلاندىرۋ مەن ەكسپورتتاۋدى دامىتۋ ءۇشىن جاعداي جاساۋ جانە مەملەكەتتىك ورگاندارمەن ءوزارا ءىس-ارەكەت ەتۋ جونىندەگى باستامالاردى تالقىلادى.
«جول كارتاسى» اياسىندا 2020 جىلى تۇكش, كولىك, حالىققا قىزمەت كورسەتۋ, ءبىلىم بەرۋ جانە دەنساۋلىق ساقتاۋ سالالارىندا جوبالار ىسكە اسىرىلدى. سونىمەن قاتار, وتكەن جىلى قالا ەكونوميكاسىنىڭ قاجەتتىلىكتەرى ءۇشىن تسيفرلىق ونىمدەردى جەتكىزۋشىلەر سانى 65 باعدارلاماشىعا دەيىن ءوستى, ونىڭ 50%-ى ستارتاپ-جوبالار. سونىمەن قاتار, 2021 جىلعا ارنالعان «جول كارتاسى» جاڭارتىلدى.
الماتى اكىمى ب. ساعىنتاەۆ قالادا اقپاراتتىق تەحنولوگيالاردى تابىستى دامىتۋ ءۇشىن بارلىق كومپونەنتتەر بار - جەرگىلىكتى بيلىك تاراپىنان قولداۋ, دامىعان ۋنيۆەرسيتەتتىك ورتا جانە وقىعان جەرگىلىكتى قوعامداستىق بار ەكەنىن اتاپ ءوتتى.
كەڭەس مۇشەلەرى مەگاپوليس ورتالىق ازيا ايماعىندا ات-تەحنولوگيالاردى دامىتۋداعى ەڭ وزىق ەكەنىن باسا ايتتى. اقپاراتتىق تەحنولوگيالار سالاسىن قالانىڭ ەكونوميكالىق سەكتورىنىڭ كوشباسشىسىنا اينالدىرۋ ءۇشىن الماتىنىڭ ادامي الەۋەتى جوعارى.
الماتى قالاسىنىڭ اكىمى باقىتجان ساعىنتاەۆ پەن قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين الماتىدا «زەردە» حولدينگىمەن بىرلەسىپ ازىرلەنگەن ات-ارحيتەكتۋراسىن قالىپتاستىرۋدىڭ ماقساتتى جوسپارىنا قول قويدى.
وندا مەگاپوليستى تسيفرلاندىرۋ جاعدايى تالدانادى, سونداي-اق تۇرعىندار, بيزنەس پەن مەملەكەتتىڭ ءوزارا ءىس-قيمىلىنىڭ ءداستۇرلى فورمالارىن جەتىلدىرۋگە باعىتتالعان باسىم جوبالار انىقتالادى. ات-ارحيتەكتۋراسىنىڭ ماقساتتى كۇيى شەڭبەرىندە ءار ءتۇرلى باعىتتاردى ءارى قاراي دامىتۋ جانە Smart City تەحنولوگيالىق پلاتفورماسىنىڭ تەتىكتەرىن جۇزەگە اسىرۋ ءسوز بولدى.
