الماتىداعى س.مۇقانوۆ پەن ع.ءمۇسىرەپوۆتىڭ مەملەكەتتىك ادەبي-مەموريالدىق مۇراجاي كەشەنىندە «تاۋەلسىزدىك جانە ادەبيەت» دەگەن تاقىرىپتا كورمە ۇيىمداستىرىلىپ, ادەبي كەش ءوتتى.
الماتىداعى س.مۇقانوۆ پەن ع.ءمۇسىرەپوۆتىڭ مەملەكەتتىك ادەبي-مەموريالدىق مۇراجاي كەشەنىندە «تاۋەلسىزدىك جانە ادەبيەت» دەگەن تاقىرىپتا كورمە ۇيىمداستىرىلىپ, ادەبي كەش ءوتتى.وعان م.اۋەزوۆ اتىنداعى ادەبيەت جانە ونەر ينستيتۋتىنىڭ «تاۋەلسىزدىك داۋىرىندەگى ادەبيەت» ءبولىمىنىڭ اعا عىلىمي قىزمەتكەرى, فيلولوگيا عىلىمدارىنىڭ دوكتورى, جازۋشى نۇرداۋلەت اقىش, «ابايتانۋ ءجانە جاڭا ءداۋىر ادەبيەتى» ءبولىمىنىڭ مەڭگەرۋشىسى, فيلولوگيا عىلىمدارىنىڭ كانديداتى سەرىكقازى قوراباي قاتىسىپ, ەلىمىز ەگەمەندىك العاننان بەرگى جىلدارداعى رۋحاني الەمىمىزدى بايىتقان ادەبي قۇندىلىقتارىمىز تۋرالى, ينستيتۋت عالىمدارى ازىرلەپ جارىققا شىعارعان 100 تومدىق «بابالار ءسوزى», 10 تومدىق «قازاق ادەبيەتىنىڭ تاريحى», 25 تومى جارىق كورگەن «كلاسسيكالىق زەرتتەۋلەر», ت.ب. تۋرالى كەڭىنەن اڭگىمەلەدى. «كلاسسيكالىق زەرتتەۋلەرگە» س.مۇقانوۆتىڭ «حح عاسىرداعى قازاق ادەبيەتى» (1932), ع.ءمۇسىرەپوۆتىڭ «سۋرەتكەر پارىزى» (1970) اتتى ەڭبەكتەرى ەنگەن. عىلىمي كىتاپتار مۇراجاي كەشەنى قورىنا سىيعا تارتىلدى.
كورمە-كەشكە قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ ستۋدەنتتەرى, №2 دارىندى بالالار مەكتەپ-گيمنازياسىنىڭ شاكىرتتەرى قاتىستى. ءانشى سايات نۇرعازين جۇرەك تەربەر ءان-شاشۋ شاشتى. كورمە-كەشتى مۇراجاي كەشەنىنىڭ ديرەكتورى, اقىن ادىلعازى قايىربەكوۆ اشىپ, قورىتىندىلادى.
نازگۇل التاەۆا.
الماتى.
