كوروناۆيرۋس • 22 قاڭتار، 2021

ۆاكتسينالاۋ پاندەميانى اۋىزدىقتاي الا ما؟

73 رەت كورسەتىلدى

ەلىمىزدە اقپاننىڭ العاشقى كۇنىنەن كوروناۆيرۋس ينفەكتسياسىنا قارسى جاپپاي ۆاكتسينالاۋ باستالاتىنى بەلگىلى. قوعام بۇل جايتتى ءارتۇرلى قابىلداپ جاتىر. ەكپەدەن كەيىن ىندەتتەن كەلەتىن قاۋىپ شىنىمەن سەيىلە مە، الدە جاعداي باسقاشا ءوربۋى مۇمكىن بە دەگەن ساۋال كوپشىلىكتى ەلەڭ-الاڭعا تۇسىرگەنى انىق. وسىعان قاتىستى پىكىر بىلدىرگەن س.اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى جۇقپالى جانە تروپيكالىق اۋرۋلار كافەدراسىنىڭ مامانى ءلاززات ۋمەشوۆا ۆاكتسينالاۋ اۋرۋ اپانىنان شىعۋدىڭ توتە جولى دەپ ەسەپتەيدى.

 

«COVID-19 – ۆيرۋستىق ينفەكتسيا. سوندىقتان ۆاكتسينا كوروناۆيرۋس ينفەكتسياسىنا قارسى كۇرەستە جاعدايدى جاقسارتۋعا كومەكتەسەدى»، دەگەن مامان الەمدەگى ەپيدەميالىق جاعدايدىڭ ناشارلاۋى مەن كوروناۆيرۋس ينفەكتسياسىنىڭ جاڭا شتاممىنىڭ تارالۋى اياسىن­دا حالىقتى كۆي-گە قارسى ۆاك­تسي­نالاۋدىڭ ماڭىزدىلىعىن اتاپ ءوتتى.

– اقپارات قۇرالدارىنان كورىپ-ءبىلىپ وتىرعانىمىزداي، ۇلى­بريتانيادا كوروناۆيرۋستىڭ جاڭا شتاممى پايدا بولدى. ول اگرەسسيۆتى تۇردە وتۋدە. ءبىزدىڭ ەلدەگى ۆيرۋس وسى دەڭگەيگە دەيىن مۋتاتسياعا ۇشى­راي ما، جوق پا دەگەن سۇراققا جاۋاپ بەرۋ قيىن. دەگەنمەن ەلگە بۇل شتاممدى ەۋروپادان ءبىزدىڭ ازاماتتار اكەلۋى مۇمكىن. ويتكەنى قازىرگى كوروناۆيرۋس تا باستاپقىدا شەتەلدەن كەلگەن ازاماتتارىمىز ارقىلى تۇتاس ەل اۋماعىنا تاراعان بولاتىن، – دەيدى ول.

ونىڭ ايتۋىنشا، الدىن الۋ­دىڭ نەگىزگى ەرەجەلەرىن ساق­تاۋ­دى جالعاستىرۋ ماڭىزدى. مەدي­تسي­نالىق بەتپەردەنى تالاپقا ساي تاعۋ ءارى ءجيى جاڭالاۋ، قولدى سابىنداپ جۋ مەن دەزينفەكتسيالاۋ ارقىلى جەكە گيگيەنانى ساقتاۋ، اۋا الماسپايتىن ورىنداردان الشاق بولۋ، اۋرۋ انىقتالعان ناۋقاستى بىردەن وقشاۋلاۋ سىندى باستى تالاپتاردى ءجىتى قاداعالاعان ءجون.

ساراپشى سوڭعى كۇندەرى الماتىدا كۆي-مەن سىرقاتتانۋ جاع­دايلارى ەسەلەپ ءوسىپ جاتقانىن اتاپ ءوتتى. حالىقتى تۇماۋعا قارسى ۆاكتسينالاۋ تۋرالى قابىلدانعان شەشىم ايتارلىقتاي ناتيجە بەرگەنىن، سول ارقىلى كوپتەگەن ناۋقاستا ىندەت جەڭىل تۇردە ءوتىپ جاتقانىن تىلگە تيەك ەتتى.

–تۇماۋ – اۋىر رەسپيرا­تور­لىق ۆيرۋستىق ينفەكتسيا، ينتوك­سي­كاتسيانىڭ ايقىن بەلگى­لەرى­مەن جۇرەدى. ال سوڭعى جىلدارى پاندەميالىق تۇماۋ جاعدايلارى تىركەلدى، بۇل دا اۋىر ۆيرۋستىق پنەۆمونيانى تۋدىرادى. مەنىڭ ويىمشا، مەملەكەت تۇماۋعا قارسى ۆاكتسينالاۋعا كوپ قاراجات بولگەنى دۇرىس بولدى. ەگەر ادامدار تۇماۋ جانە COVID-19-بەن قاتار اۋىرسا، نە بولارىن ەلەستەتۋدىڭ ءوزى قيىن. الەم عالىمدارى وسى با­عىتتا جۇمىس ىستەپ جاتىر. ازىرگە ۆاك­تسينالاۋ قيىندىقتان شى­عۋ­دىڭ ەڭ وڭتايلى جولى رەتىندە قاراستىرىلىپ وتىر»، دەيدى ول.

ايتا كەتەر بولساق، الماتى قا­لا­سىنىڭ اكىمى باقىتجان سا­عىن­­­تاەۆتىڭ تاپسىرماسى بويىنشا جرۆي-مەن جاپپاي سىر­قات­تا­نۋ­شىلىقتىڭ جانە COVID-19-عا تۇماۋ ۆيرۋسىنىڭ قابات­تاسۋىنىڭ الدىن الۋ ءۇشىن جەر­گى­لىكتى بيۋدجەتتەن تاۋەكەل تو­بىن­داعى ادامداردى تەگىن ۆاك­تسي­نا­لاۋ ماقساتىندا «گريپپول پليۋس» تۇماۋعا قارسى ۇشۆالەنتتى ۆاكتسيناسىنىڭ 430 مىڭ دوزاسى ساتىپ الىنعان بولاتىن.

 

الماتى

 

سوڭعى جاڭالىقتار

العا باسقان ازاماتتىق قوعام

قازاقستان • بۇگىن، 08:26

ماقتانىشىم مەن ساعىنىشىم

قازاقستان • بۇگىن، 08:15

جاقسىلىققا جەتەلەگەن جوبا

قوعام • بۇگىن، 08:10

تاريحي ماڭىزى زور شەشىم

قازاقستان • بۇگىن، 08:06

ەرىكتىلەردىڭ ەلەۋلى ءىسى

قوعام • بۇگىن، 08:05

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار