2021 جىلى 21 قاڭتاردا 08 ساعات 18 مينۋتتا الماتى قالاسى تج دەپارتامەنتىنىڭ كۇشتەرى مەن قۇرالدارى جەتىسۋ اۋدانى قازىباەۆ كوشەسى 2 ءۇي مەكەنجايىنا شاقىرتۋدىڭ جوعارى دارەجەسىمەن جىبەرىلدى. ورتسوندىرۋشىلەر كەلگەندە 1500 شارشى مەتر اۋماقتاعى اعاش ساقتايتىن قويمانىڭ ءبىر قاباتتى جەكە تۇرعان عيماراتى جانىپ جاتقانى انىقتالعان. ءورتتىڭ 10-15 مەتر قاشىقتا ورنالاسقان كورشى قويمالارعا تارالۋ قاۋپى تۋىنداعان.
ءورت ءسوندىرۋ گيدرانتتارىنىڭ قاشىقتا ورنالاسۋىنا بايلانىستى, سۋ ءورت اۆتوتسيستەرنالاردىڭ كومەگىمەن قامتاماسىز ەتىلدى. ءورتتى سوندىرۋگە جانە قويمالاردى وتتان قورعاۋ ءۇشىن 2 اۆتوباسپالداق پەن 8 امبەباپ ءورت وقپانى بەرىلدى.
ءتىلسىز جاۋدى ءسوندىرۋ ءۇشىن الماتى قالاسى تجد باسشىلىعى مەن جەكە قۇرامنان 66 ادام, 13 دانا تەحنيكا جۇمىلدى. قابىلدانعان شارالار ناتيجەسىندە ءورت 30 مينۋتتىڭ ىشىندە ءسوندىرىلىپ, 9 ساعات 35 مينۋتتا تولىقتاي جويىلدى. زارداپ شەككەندەر مەن قايتىس بولعاندار جوق. ءورتتىڭ شىعۋ سەبەبى انىقتالىپ جاتىر.
