قازاقستان • 21 قاڭتار، 2021

ا.بالاەۆا: سالالىق جۋرناليستيكانى دامىتۋداعى ماڭىزدى كەزەڭ باستالادى

56 رەت كورسەتىلدى

العاشقى 50 جۋرناليست وقۋدى اسفەندياروۆ اتىنداعى قازۇمۋ-دە وسى جىلدىڭ اقپان ايىندا باستايدى، دەپ حابارلايدى Egemen.kz

 

بۇگىن الماتىدا اقپارات جانە قوعامدىق دامۋ ءمينيسترى ايدا بالاەۆا س.د. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتىندە بولدى.

 

ەسكە سالا كەتەيىك، اقپارات جانە قوعامدىق دامۋ مينيسترلىگى قازۇمۋ-مەن قول قويىلعان سالالىق جۋرناليستيكانى دامىتۋ جونىندەگى ىنتىماقتاستىق تۋرالى مەموراندۋمدى جۇزەگە اسىرا باستادى.

 

كەزدەسۋدىڭ نەگىزگى كۇن ءتارتىبى: 2020-2021 جىلدارعا ارنالعان مەديا سالانىڭ ماماندارىن دايارلاۋدىڭ ارنايى جوسپارىن تالقىلاۋ.

 

كەزدەسۋ ناتيجەسىندە 2021 جىلى اقپاندا ۋنيۆەرسيتەت بازاسىندا جەكە جانە مەملەكەتتىك باق-تىڭ 50-دەن استام جۋرناليستەرى مەديتسينا بويىنشا جوعارى ساپالى ماتەريالدارعا قول جەتكىزۋ ءۇشىن بىلىكتىلىك پەن ءبىلىم دەڭگەيىن كوتەرۋ بويىنشا جۇمىستى باستاۋ جونىندە ۋنيۆەرسيتەت باسشىلىعىمەن ناقتى كەلىسىم جاسالدى.

 

ايدا بالاەۆا سالالىق جۋرناليستيكانى دامىتۋ بويىنشا جۇمىستىڭ ماڭىزدى كەزەڭى باستالاتىندىعىنا نازار اۋداردى.

 

سونداي-اق مينيستر وقىتۋ بارىسىندا جاتتىقتىرۋشىلار رەتىندە جۋرناليستيكا مەن مەديتسينا سالاسىنىڭ جەتەكشى ماماندارى بەلسەندى جۇمىس جۇرگىزۋى كەرەك ەكەنىن باسا ايتتى.

 

2021 جىلى سالالىق جۋرناليستەردى وقىتۋ بويىنشا كەشەندى جۇمىس جۇرگىزىلەتىن بولادى. وسى جۇمىس شەڭبەرىندە بەلگىلى ءبىر سالادا مامانداردى دايارلاۋ بولىگىندە مەديا سالاداعى زاماناۋي تەندەنتسيالار مەن بۇقارالىق اقپارات قۇرالدارىنىڭ سۇرانىستارىن باقىلاۋ، مۋلتيمەديالىق ءبىلىم بەرۋ جانە اقپاراتتىق پلاتفورما قۇرۋ، ۇزاق مەرزىمدى جانە قىسقا مەرزىمدى وقىتۋ كۋرستارىن وتكىزۋ بويىنشا ءىس-شارالار جۇرگىزىلەتىن بولادى.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار